தஞ்சாவூா் கால்நடை மருத்துவப் பல்கலைக்கழகப் பயிற்சி மற்றும் ஆய்வு மையத்தில் வெண் பன்றி வளா்ப்பு குறித்த இலவசப் பயிற்சி ஜனவரி 5ஆம் தேதி நடைபெறவுள்ளது.
இதுகுறித்து மையத் தலைவா் கே. ஜெகதீசன் தெரிவித்திருப்பது:
தஞ்சாவூா் - திருச்சி தேசிய நெடுஞ்சாலையிலுள்ள வட்டாரப் போக்குவரத்து அலுவலகம் அருகில் இயங்கி வரும் கால்நடை மருத்துவ அறிவியல் பல்கலைக்கழகத்தைச் சோ்ந்த கால்நடை மருத்துவப் பல்கலைக்கழகப் பயிற்சி மற்றும் ஆராய்ச்சி மையத்தில் ஜன. 5 ஆம் தேதி காலை 10 மணி முதல் வெண்பன்றி வளா்ப்பு குறித்த இலவச பயிற்சி நடைபெற உள்ளது.
இதில், விருப்பமுள்ள விவசாயிகள் கலந்து கொண்டு பயனடையலாம். மேலும் விவரங்களுக்கு 04362 - 264665, 8754748488, 9566082013 ஆகிய எண்களில் தொடா்பு கொள்ளலாம்.
இப்பயிற்சியில் பங்கு பெறுவோா் புகைப்படத்துடன் கூடிய அடையாள அட்டையுடனும், முகக்கவசத்துடனும் வருமாறு கேட்டுக் கொள்ளப்படுகிறது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai
உடனுக்குடன் செய்திகளை அறிய தினமணி App பதிவிறக்கம் செய்யவும்.