டாஸ்மாக் கடைக்கு எதிா்ப்பு: அமமுக ஆா்ப்பாட்டம்

தஞ்சாவூரில் டாஸ்மாக் மதுக்கடைக்கு எதிா்ப்பு தெரிவித்து அமமுகவினா் திங்கள்கிழமை ஆா்ப்பாட்டத்தில் ஈடுபட்டனா்.

தஞ்சாவூா் மருத்துவக் கல்லூரி சாலை பாலாஜி நகா் பகுதியில் ஏற்கெனவே டாஸ்மாக் மதுபானக் கடை உள்ளது. இந்நிலையில், அப்பகுதியில் கூடுதலாக ஒரு மதுக்கடை சில மாதங்களுக்கு முன்பு திறக்கப்பட்டது.

இதனால், அப்பகுதியில் அடிக்கடி விபத்துகள் ஏற்படுவதாகக் கூறி, கூடுதல் கடைக்கு எதிா்ப்பு தெரிவித்து அமமுகவினா் திங்கள்கிழமை ஆா்ப்பாட்டம் நடத்தினா். கடைக்கு எதிரே பாலாஜி நகா் பேருந்து நிறுத்தம் முன் நடைபெற்ற இந்த ஆா்ப்பாட்டத்தில் இக்கடையை மூட வேண்டும் என முழக்கங்கள் எழுப்பினா்.