மக்களவைத் தோ்தலில் அதிமுக ஒன்றாக இணைந்து வெற்றி பெறும்: வி.கே. சசிகலா

மக்களவைத் தோ்தலில் நிச்சயமாக அதிமுக ஒன்றாக இணைந்து நல்ல வெற்றியைப் பெறும் என்றாா் வி.கே. சசிகலா.

தஞ்சாவூா் அருளானந்த நகரில் தங்கியுள்ள அவா் வியாழக்கிழமை பேரறிஞா் அண்ணா படத்துக்கு மாலை அணிவித்து மரியாதை செலுத்திய பின்னா் செய்தியாளா்களிடம் தெரிவித்தது:

எங்களைப் பொருத்தவரை, அண்ணாவின் கொள்கைகளை வாயளவில் பேசாமல் செய்து காட்டியவா்கள் எம்.ஜி.ஆரும், ஜெயலலிதாவும்தான். அவா்கள் வழியில் எங்கள் பயணம் தொடரும்.

வரும் மக்களவைத் தோ்தலில் நிச்சயமாக அதிமுக ஒன்றாக இணைந்து நல்ல வெற்றியைப் பெறும். கட்சித் தலைமையை நான் ஏற்று வழி நடத்துவதற்கான வாய்ப்புள்ளது. காரணம், கட்சித் தொண்டா்கள் எங்களிடம் உள்ளனா். நிச்சயம் அதற்கான வாய்ப்பு உள்ளது. போக வேண்டிய நேரம் வரும்போது கண்டிப்பாக கட்சி அலுவலகத்துக்குச் செல்வேன்.

அதிமுகவுக்கு தலைமை ஏற்று அனைவரையும் ஒன்றிணைப்பேன். நான், ஓ. பன்னீா்செல்வம் உள்பட அனைவரும் ஒன்றாகத்தான் உள்ளோம் என்றாா் சசிகலா.