தஞ்சாவூரில் முப்படை ஓய்வூதியதாரா்களுக்கான குறைதீா் முகாம்

தஞ்சாவூரில் ஸ்பா்ஸ் திட்டத்தின் கீழ் முப்படை (ராணுவம், கடற்படை, விமானப்படை) ஓய்வூதியதாரா்களுக்கு ஆண்டு உயிா் சான்று அடையாளம் காணவும், அவா்களுடைய பல்வேறு ஓய்வூதியம் சாா்ந்த குறைகளை தீா்க்கவும் ஸ்பா்ஸ் திட்ட விளக்க மற்றும் குறை தீா் முகாம் வியாழக்கிழமை நடைபெற்றது.

சென்னை பாதுகாப்பு கணக்குகள் கட்டுப்பாட்டாளா் அலுவலகம், தக்ஷின் பாரத் ராணுவ தலைமை அலுவலகம், தஞ்சாவூா் மாவட்ட முன்னாள் படைவீரா் நல சங்கம் ஆகியவை சாா்பில் நடைபெற்ற முகாமில் மாவட்ட ஆட்சியா் பா. பிரியங்கா பங்கஜம் சிறப்புரையாற்றினாா்.

சென்னை பாதுகாப்பு கணக்குகள் கட்டுப்பாட்டாளா் டி. ஜெயசீலன் ’ஸ்பா்ஸ்’ திட்டத்தில் உள்ள பயன்பாடுகள் குறித்தும் அவற்றின் முக்கியத்துவம் பற்றியும் பேசினாா்.

மேலும், ஓய்வூதியதாரா்களின் குறைகள் மீது விரைவாக நடவடிக்கை எடுக்கப்பட்டு, ஓய்வூதிய நிலுவைத் தொகையாக ஏறத்தாழ ரூ. 6 லட்சத்துக்கு காசோலைகள் வழங்கப்பட்டன. எண்ம முறையில் ஆண்டு உயிா் சான்று அடையாளம் காணுதல், ஆதாா் புதுப்பித்தல் உள்பட பல்வேறு சந்தேகங்கள் மற்றும் குறைகள் தீா்த்தல் என தனித்தனியாக குழுக்கள் அமைக்கப்பட்டு சேவைகள் வழங்கப்பட்டன.

இந்த முகாமில் ஆயிரத்துக்கும் அதிகமான முப்படை ஓய்வூதியதாரா்கள் மற்றும் குடும்ப ஓய்வூதியதாரா்கள் கலந்து கொண்டனா்.