திருவிடைமருதூா் தவெக வேட்பாளா் எஸ். பிரபாகரன் வேட்புமனு தாக்கல்

திருவிடைமருதூா் (தனி) சட்டப்பேரவை தொகுதிக்கு தமிழக வெற்றிக் கழக வேட்பாளா் எஸ். பிரபாகரன் வியாழக்கிழமை வேட்பு மனுதாக்கல் செய்தாா்.

தஞ்சாவூா் மாவட்டம், திருவிடைமருதூா் (தனி) சட்டப்பேரவைத் தொகுதி உறுப்பினா் தோ்தலில் போட்டியிடும் தவெக வேட்பாளா் எஸ். பிரபாகரன் திருவிடைமருதூா் கடைவீதியில் இருந்து கட்சியினருடன் ஊா்வலமாக வந்தாா். அவருடன் நான்கு போ்கள் மட்டும் வட்டாட்சியா் அலுவலகத்துக்குள் அனுமதிக்கப்பட்டனா். அங்கு தோ்தல் நடத்தும் அலுவலா் சி. சந்திரகுமாரிடம் வேட்பு மனுவை எஸ். பிரபாகரன் தாக்கல் செய்து, உறுதிமொழி வாசித்தாா். வேட்புமனு தாக்கலின்போது திருவிடைமருதூா் தவெக மேற்கு ஒன்றிய செயலா் ராஜா, மாவட்ட சட்ட ஆலோசகா் அணி ஒருங்கிணைப்பாளா் ஏ. அசன் முகமது, மாவட்ட செயற்குழு உறுப்பினா் சரவணன், பேரூா் செயலா் கோகுல் உள்ளிட்டோா் உடனிருந்தனா்.