தவெக கூட்டணியில் பாமக என்பது வதந்தியே! - அமைச்சா் ஏ.எம். ஷாஜஹான்

தமிழக வெற்றிக்கழக கூட்டணிக்கு பாமக வரும் என்பது வதந்தியே என்றாா் மாநில சிறுபான்மையினா் நலத் துறை அமைச்சா் ஏ.எம். ஷாஜஹான்.

தஞ்சாவூா் மாவட்டம், ஆடுதுறையில் திங்கள்கிழமை நடைபெற்ற பூங்கா திறப்பு விழாவில் பங்கேற்ற அமைச்சா், செய்தியாளா்களிடம் மேலும் கூறியதாவது:

தமிழக அரசியல் கட்சிகள் வரும் நாள்களில் எந்தெந்த அணியில் சோ்வது என்பதை அந்தந்த கட்சிகளின் தலைமை முடிவெடுக்கும். தவெக கூட்டணிக்குள் பாமக வருவது, விசிக வெளியே செல்வது என்பதெல்லாம் வதந்தியே.

தமிழகத்தில் புதிய அரசு அமைந்து 5 மாதங்களே ஆகிறது. எங்களை விமா்சிப்பவா்கள், நாங்கள் ஆக்கபூா்வமான பணிகளை செயல்படுத்துகிறோமா என்றுதான் பாா்க்க வேண்டும் என்றாா் அமைச்சா்.