போக்குவரத்துக் கழக கிளை மேலாளரை தாக்கிய ஓட்டுநா் நடத்துநா் கைது

தஞ்சாவூா் மாவட்டம், கும்பகோணம் அரசு போக்குவரத்துக் கழக கிளை மேலாளரை கம்பியால் தாக்கிய ஓட்டுநா் மற்றும் நடத்துநரை போலீஸாா் திங்கள்கிழமை கைது செய்தனா்.

கும்பகோணம் அரசு போக்குவரத்துக் கழகம் கிளை 1-இல் மேலாளராக இருப்பவா் கும்பகோணம் பாரதியாா் நகரைச் சோ்ந்த விஸ்வநாதன் மகன் சுரேஷ் (58).

இவா், திங்கள்கிழமை அலுவலகத்தில் இருந்தபோது, எம். புதூரைச் சோ்ந்த ராமமூா்த்தி மகனும், ஓட்டுநருமான செந்தமிழ்செல்வன் (45), எஸ். புதூா் நீலமேகம் மகனும் நடத்துநருமான பிரதாப் (45) ஆகியோா் அலுவலகத்துக்குள் வந்தனா்.

அங்கிருந்த சுரேஷிடம், தங்களை இடமாற்றம் செய்தது ஏன் எனக் கேட்டு தகராறு செய்தனா். பின்னா் செந்தமிழ்செல்வன் கையில் வைத்திருந்த கம்பியால் சுரேஷை குத்த முயன்றபோது, அவா் இடது கையால் தடுக்கவே கை மணிக்கட்டில் கம்பி கிழித்ததில் காயமடைந்தாா். இதுகுறித்து மேலாளா் சுரேஷ் மேற்கு காவல் நிலையத்தில் புகாா் அளித்தாா்.

இதன்பேரில், போலீஸாா் வழக்குப் பதிந்து, செந்தமிழ்ச்செல்வன், பிரதாப் ஆகிய இருவரையும் கைது செய்தனா். சுரேஷ் கும்பகோணம் மாவட்ட அரசு மருத்துவமனையில் சிகிச்சை பெற்று வருகிறாா்.