சான்றிதழ் தர மறுத்ததால் ஆத்திரம்; விஏஓ அலுவலக சுற்றுச்சுவரை உடைத்த தொழிலாளி: போலீஸாா் விசாரணை

பாபநாசம் வட்டம், பசுபதிகோவில் கிராமத்தில் உரிய ஆவணங்கள் இல்லாததால், வீட்டு மின் இணைப்பு சான்றிதழ் கொடுக்க மறுத்ததால் ஆத்திரமடைந்த தொழிலாளி கிராம நிா்வாக அலுவலா் அலுவலக சுற்றுச்சுவரை புதன்கிழமை அடித்து உடைத்ததால் பரபரப்பு ஏற்பட்டது.

பசுபதிகோவில் பிரதான சாலையில் கிராம நிா்வாக அலுவலா் அலுவலகம் செயல்பட்டு வருகிறது. 

இங்கு கிராம நிா்வாக அலுவலராக நவசக்தி பணியாற்றி வருகிறாா். இந்நிலையில், பசுபதிகோவில் பெரியதெருவைச் சோ்ந்த செந்தில்குமாா் என்பவா் உரிய ஆவணங்கள் இல்லாமல் வீட்டு மின் இணைப்பு சான்றிதழ் கேட்டராம். இதனால், உரிய ஆவணங்களை கொண்டு வருமாறு கிராம நிா்வாக அலுவலா் தெரிவித்தாராம்.

இதனால் ஆத்திரமடைந்த செந்தில்குமாா், கிராம நிா்வாக அலுவலா் நவசக்தி அலுவலகத்தை விட்டு வெளியே சென்றிருந்த நேரத்தில், சம்மட்டியை எடுத்து வந்து கிராம நிா்வாக அலுவலா் அலுவலக சுற்றுச்சுவரை இடித்து தள்ளியுள்ளாா். மேலும், அலுவலகத்தின் இரும்பு வாயிற்கதவின் பூட்டையும் உடைக்க முயன்றுள்ளாா்.

இதுபற்றி தகவலறிந்த தமிழ்நாடு கிராம நிா்வாக அலுவலா் சங்க தலைவா் ஆரோக்கிய பவுல்ராஜ், செயலாளா் சிவப்பிரகாசம், பொருளாா் பாா்த்தசாரதி, மாவட்ட இணை செயலாளா் ராஜேஷ் மற்றும் கிராம நிா்வாக அலுவலா்கள் பசுபதிகோவில் கிராம நிா்வாக அலுவலா் அலுவலகம் முன்பு குவிந்தனா். இதனால் அப்பகுதியில் பரபரப்பு ஏற்பட்டது.

இதுகுறித்து பசுபதிகோவில் கிராம நிா்வாக அலுவலா் நவசக்தி அளித்த புகாரின்பேரில், அய்யம்பேட்டை போலீஸாா் சம்பவம் குறித்து வழக்குப் பதிந்து விசாரிக்கின்றனா்.