ஆகஸ்ட் 15 - இல் திருவானைக்கா கோயிலில்  ஆடிப்பூரத் தெப்பத்திருவிழா

திருவானைக்கா சம்புகேஸ்வரர் அகிலாண்டேஸ்வரி திருக்கோயிலில் ஆடிப்பூரத் தெப்பத் திருவிழா ஆகஸ்ட் 15  ஆம் தேதி நடைபெற உள்ளது. இதற்கான கொடியேற்ற விழா 4 ஆம் தேதி நடைபெறவுள்ளது. 12 நாள்கள் நடைபெறும் இந்த விழாவில் தினசரி அம்மன் பல்வேறு வாகனத்தில் எழுந்தருளி நான்காம் பிரகாரத்தை சுற்றி வலம் வந்து பக்தர்களுக்கு சேவை சாதிக்கிறார். விழாவின் முக்கிய நாளான தெப்ப உற்ஸவம் ஆக. 15 ஆம் தேதி மாலை நடைபெற உள்ளது. 
    இதனையொட்டி ஆடிப்பூரத் தெப்பக் குளத்தில் இரவு பகலாக தண்ணீர் நிரப்பும் பணி மேற்கொள்ளப்பட்டு வருகிறது. விழா ஏற்பாடுகளை கோயில் உதவி ஆணையர் கோ.ஜெயப்பிரியா செய்து வருகிறார்.