மணப்பாறையில் திடீரென சாய்ந்த மின் கம்பம்

திருச்சி மாவட்டம் மணப்பாறை மைய பகுதியில் உள்ள வேப்பிலை மாரியம்மன் கோயில் அருகில் இருந்த மின் கம்பம் புதன்கிழமை இரவு திடீரென சாய்ந்து விழத்தொடங்கியது. இந்த கம்பம்  மின் இணைப்பு கம்பிகளாலும், அருகே சென்ற கேபிள் வயர் தாங்கிக் கொண்டதிலும் கம்பம் கீழே விழாமல் தொங்கத்தொடங்கியது.
தகவலின்பேரில் நிகழ்விடத்துக்கு வந்த மின்வாரிய பொறியாளர் முரளி, மின்பாதை ஆய்வாளர் மற்றும் மின்வாரிய தொழிலாளர்கள் மின் விநியோகத்தை நிறுத்தி புதிய மின் கம்பம் அமைக்கும் பணியில் ஈடுபட்டனர். தொடர்ந்து மின் விநியோகம் சரிசெய்யப்பட்டது.