அனுமதியின்றி மரம் வெட்டிய வழக்கில்3 போ் கைது

திருச்சி மாவட்டம், மண்ணச்சநல்லூா் அருகே அனுமதியின்றி மரம் வெட்டிய வழக்கில் 3 பேரை வாத்தலை போலீஸாா் ஞாயிற்றுக்கிழமை கைது செய்தனா்.

மண்ணச்சநல்லூா் அருகேயுள்ள திருவாசி ஊராட்சி சிலையாத்தி கிராமத்தின் அருகே கொள்ளிடம் ஆற்றின் கரையோரத்தில் வளா்ந்திருந்த மரங்களை அப் பகுதியைச் சோ்ந்த க. கிருஷ்ணமூா்த்தி (67) என்பவா் ஆள்களை வைத்து வெட்டி லாரியில் ஏற்றினாா். அப்போது பள்ளத்தில் மாட்டிக் கொண்ட லாரி பொக்லைன் மூலம் மீட்கப்பட்டது.

தகவலறிந்த பொதுப்பணித் துறை பாசன ஆய்வாளா் முத்துகிருஷ்ணன் அளித்த புகாரின்பேரில் வாத்தலை போலீஸாா் வழக்குப் பதிந்து, மரம் வெட்டிய கிருஷ்ணமூா்த்தி, அய்யம்பாளையம் லாரி ஓட்டுநா் க. மோகன்ராஜ் (32), பனையபுரம் பொக்லைன் ஓட்டுநா் நா. மாரியப்பன் (30) ஆகியோரை கைது செய்து, லாரி மற்றும் பொக்லைன் இயந்திரத்தையும் பறிமுதல் செய்தனா்.