காரைக்கால், தஞ்சாவூா், பெங்களூா் ரயில்களில் கூடுதல் பெட்டிகள் இணைப்பு

கூட்ட நெரிசலைக் குறைக்க காரைக்கால், தஞ்சாவூா், பெங்களூா் ரயில்களில் கூடுதல் பெட்டிகள் இணைக்கப்பட்டுள்ளன.

இதுகுறித்து திருச்சி கோட்ட ரயில்வே நிா்வாகம் வெளியிட்ட செய்திக்குறிப்பு:

கூட்ட நெரிசலைக் குறைக்க திருச்சி - காரைக்கால் பயணிகள் ரயில் (04690), காரைக்கால் - தஞ்சாவூா் பயணிகள் ரயில் (06457), தஞ்சாவூா் - திருச்சி பயணிகள் ரயில் (06683), எஸ்எம்விடி பெங்களூா் - காரைக்கால் மெயின் விரைவு ரயில் (16529), காரைக்கால் - எஸ்எம்விடி பெங்களூா் மெயில் விரைவு ரயில் (16530) ஆகிய ரயில்களில் வரும் 10, 11, 12 ஆம் தேதிகளில் கூடுதலாக 2 இரண்டாம் வகுப்பு பொதுப்பெட்டிகள் தற்காலிகமாக இணைக்கப்பட உள்ளன.

மேலும் ஸ்ரீகங்கா நகா் - திருச்சி - ஸ்ரீ கங்கா நகா் ஹம்சாபா் அதிவிரைவு ரயில்களில் (22497, 22498) வரும் 30 ஆம் தேதி வரை ஒரு குளிா்சாதனப் பெட்டி (ஏசி த்ரி டயா்) தற்காலிகமாக இணைக்கப்படுகிறது.

இதேபோல ஜோத்பூா் - திருச்சி - ஜோத்பூா் ஹம்சாபா் அதிவிரைவு ரயில்களில் (20481, 20482) வரும் 25 ஆம் தேதி வரை ஒரு ஸ்லீப்பா் கிளாஸ் பெட்டி தற்காலிகமாக இணைக்கப்படுகிறது.