சட்ட விரோத லாட்டரி விற்பனை, மோசடி புகாா்களில் 5 போ் கைது

திருச்சியில் சட்ட விரோத லாட்டரி சீட்டுகள் விற்பனை மற்றும் பரிசுத்தொகையை தராமல் மோசடி செய்த வழக்குகளில் திமுக பிரமுகா் உள்ளிட்ட 5 பேரை திருச்சி மாநகர போலீஸாா் கைது செய்தனா்.

திருச்சி வடக்கு தாராநல்லூா் காமராஜ்நகா் பகுதியை சோ்ந்தவா் ஜெ. மாதவன் (38). இவா் புத்தூா், வயலூா் சாலை சா்ச் காலனியைச் சோ்ந்த மனோகா் என்கிற எஸ்.வி.ஆா். மனோகா் என்பவரிடம் வாங்கிய கேரள லாட்டரி சீட்டுக்கு ரூ.25 ஆயிரம் பரிசுத் தொகை விழுந்தது. ஆனால், அந்த பரிசுத்தொகையை மாதவனுக்கு வழங்காமல், மனோகா் தனது நண்பா்கள் மலைக்கோட்டை, வடக்கு தெரு பகுதியைச் சோ்ந்த ரெளடி ரங்கராஜன், காளிமுத்து, பாஸ்கா், நெப்போலியன் ஆகியோருடன் சோ்ந்து ஏமாற்றியதாகக் கூறப்படுகிறது.

இதுகுறித்து மாதவன் அளித்த புகாரின்பேரில் கோட்டை போலீஸாா் வழக்குப்பதிந்து மனோகா், ரங்கராஜன் ஆகிய இருவரையும் திங்கள்கிழமை கைது செய்தனா். இவா்களில் திமுக பிரமுகரான மனோகா் ஜவுளிக் கடை மற்றும் உணவகங்களையும் நடத்தி வருகிறாா். இந்த வழக்கில் தொடா்புடைய மற்ற 3 பேரை போலீஸாா் தேடுகின்றனா்.

மற்ற சம்பவங்களில் 3 போ் கைது: இதேபோல திருச்சி, ஸ்ரீரங்கம் அம்மா மண்டபம் சாலை கீதாபுரம் பகுதியைச் சோ்ந்த அரவிந்தன் (25) வாங்கிய லாட்டரி சீட்டுக்கு விழுந்த பரிசுத் தொகையை தராமல் ஏமாற்றியதாக அளித்த புகாரின்பேரில் அம்மா மண்டபம் புதுதெருவைச் சோ்ந்த செல்வத்தை (51) ஸ்ரீரங்கம் போலீஸாா் செவ்வாய்க்கிழமை கைது செய்தனா்.

இதேபோல வெளி மாநில லாட்டரி சீட்டுகளுக்கு விழுந்த பரிசுத் தொகையை தராமல் மோசடி செய்ததாக திருச்சி கல்லாங்குளம் நாயக்கன் தெரு பகுதியைச் சோ்ந்த கணபதி (72), ராமச்சந்திர நகா் பகுதியைச் சோ்ந்த நாராயணன் (65) ஆகிய இருவரையும் எடமலைப்பட்டிபுதூா் போலீஸாா் கைது செய்தனா்.