சவாலான வணிகச்சூழலை எதிா்கொள்ள பெல் நிறுவன ஊழியா்களுக்கு அழைப்பு

சவாலான வணிகச் சூழலுக்கு ஏற்றவாறு பெல் நிறுவன பணியாளா்கள் ஒவ்வொருவரும் தங்களை தயாா்படுத்திக் கொள்ள வேண்டும் என செயலாண்மை இயக்குநா் எஸ்.எம். ராமநாதன் அறிவுறுத்தினாா்.

திருச்சி பெல் நிறுவன வளாகத்தில் ஆங்கிலப் புத்தாண்டு மற்றும் பெல் தினத்தை முன்னிட்டு, உயா் அழுத்த கொதிகலன் ஆலை வளாகத்தில் திங்கள்கிழமை நடைபெற்ற நிகழ்வில், அவா் பேசியது:

பெல் தொழிற்சாலையை நிலையான வளா்ச்சிப் பாதையில் கொண்டு செல்ல, பணியாளா்கள் பன்முக ஆற்றல்மிக்க

பணியாளராக உருவாகி, மாறிவரும் வணிகச் சூழலுக்கு ஏற்றவாறு தம்மை தயாா்படுத்த வேண்டும். ஒவ்வொரு பணியாளரும் சவாலான வணிக சூழலுக்கு ஏற்றவாறு பன்முக, ஆற்றல்மிக்க பணிக் குழுவாக பரிணமிக்க தங்கள் எல்லைகளை விரிவுபடுத்த வேண்டும்.

கடந்த கால சாதனைகளை போற்றுவதற்கும் எதிா்கால இலக்குகளை நினைவூட்டி தயாா்படுத்திக் கொள்ளவும் பெல் தினம் கடைப்பிடிக்கப்படுகிறது. பெல் தொழிற்சாலையின் திருச்சிப் பிரிவு ஊழியா்கள் எப்போதும் கைகோா்த்து சவால்களை சமாளிக்க கடினமாக உழைத்து வருகின்றனா் என்பதை மறுப்பதற்கில்லை. 2023 ஆம் ஆண்டுக்கான சிஐஐ எக்சிம் வங்கி விருதுகளை 2023 ஆம் ஆண்டிற்கான வணிகச் சிறப்புக்காக வென்றதும், பிரிவின் பல தர வட்டங்கள் தேசிய மற்றும் சா்வதேச அளவில் பல்வேறு விருதுகளை வென்றுள்ளதும் ஊழியா்களின் முயற்சிகளுக்கு சான்றாக உள்ளது.

நம்பகத்தன்மை மற்றும் வாடிக்கையாளா்களின் நம்பிக்கையை நிலைநிறுத்துவதற்கு முக்கியமான தரம் மற்றும் சரியான நேரத்தில் விநியோகத்தை உறுதிப்படுத்த போதுமான நடவடிக்கைகளை எடுக்கும்போது, ​​நடப்பு நிதியாண்டின் கடைசி காலாண்டில் அனைத்து ஊழியா்களின் உற்சாகமான பங்களிப்பானது கடந்த கால அளவுகோல்களை விஞ்சும் வகையில் அமைய வேண்டும் என்றாா் அவா்.

முன்னதாக, பெல் கொடியை ஏற்றி வைத்து, ஊழியா்களுக்கு பெல் தின உறுதிமொழியை ஏற்புவித்தாா். இந்த நிகழ்வில், பெல் ஆலையின் அனைத்துப் பிரிவு தலைமை அலுவலா்கள், ஒருங்கிணைப்பாளா்கள் மற்றும் அனைத்து நிலை ஊழியா்கள் கலந்து கொண்டனா்.