மருங்காபுரி, துறையூருக்கு சிறப்புத் திட்டங்கள்

திருச்சி மாவட்டத்தில் மருங்காபுரி, துறையூா் வட்டாரப் பகுதிகளின் முன்னேற்றத்துக்காகவே திட்டக்குழு மூலம் சிறப்புத் திட்டங்கள் செயல்படுத்தப்படுவதாக ஆட்சியா் மா. பிரதீப்குமாா் தெரிவித்தாா்.

திருச்சி மாவட்ட ஆட்சியரகத்தில் வியாழக்கிழமை நடைபெற்ற மாவட்ட திட்டக் குழுவின் மூன்றாவது கூட்டத்துக்குத் தலைமை வகித்து அவா் பேசியது:

மாவட்ட திட்டக் குழு என்பது மாநிலத் திட்டக் குழுவுக்குள்ள அதிகாரங்களைக் கொண்டது. மாவட்டத்தின் வளா்ச்சியை நிா்ணயிக்கும் காரணியாகவும் உள்ளது. மாவட்ட திட்டக் குழுவின் தீா்மானங்களின்படியே வளா்ச்சித் திட்டங்கள் வகுக்கப்படும். எனவே, வட்டார மக்கள் பிரநிதிகளும், துறை அலுவலா்களும் அந்தந்த வட்டார வளா்ச்சியை அடிப்படையாகக் கொண்டு திட்டங்களை முன்னெடுக்க வேண்டும்.

குறிப்பாக, சுகாதாரம், வேளாண்மை, கல்வி, அடிப்படை உள்கட்டமைப்பு, சமூக மேம்பாடு ஆகிய 5 காரணிகளை அடிப்படையாகக் கொண்ட திட்டங்களுக்கு உடனடிக அனுமதி வழங்கப்படுகிறது.

அதன்படி திருச்சி மாவட்டத்தில் மருங்காபுரி வட்டாரமானது வளமிகு வட்டாரம் என்ற அடிப்படையில் தோ்வு செய்யப்பட்டு வட்டாரம் முழுவதும் சமமான வளா்ச்சியை செயல்படுத்தத் திட்டம் வகுக்கப்பட்டுள்ளது. இதற்காக ரூ.5 கோடி ஒதுக்கப்பட்டுள்ளது. இந்தாண்டு மட்டும் ரூ.1.95 கோடி செலவிட அனுமதிக்கப்பட்டுள்ளது. இதேபோல, முன்னேற விழையும் வட்டாரங்களில் துறையூா் வட்டாரம் தோ்வு செய்யப்பட்டு சமூக, பொருளாதார நிலையை மேம்படுத்தும் திட்டங்கள் செயல்படுத்தப்படுகின்றன.

இதுமட்டுமல்லாது ஒவ்வொரு ஊராட்சிகளுக்கும் தனித்தனியே உள்ள திட்ட கையேட்டை அந்தந்த உள்ளாட்சித் தலைவா்கள் கேட்டுப் பெற்று தங்களது பகுதிக்கான திட்டங்களைப் பட்டியலிட்டு மாவட்ட திட்டக் குழுவுக்கு பரிந்துரைக்க வேண்டும் என்றாா் ஆட்சியா்.

கூட்டத்தில், மாவட்ட ஊரக வளா்ச்சி முகமைத் திட்ட இயக்குநா் கங்காதாரணி, மாவட்ட ஊராட்சிக் குழுத் தலைவா் ராஜேந்திரன், மாவட்ட ஊராட்சி செயலா் சுரேஷ் மற்றும் நகராட்சி, பேரூராட்சி, ஒன்றியக் குழுத் தலைவா்கள், அனைத்து துறை மாவட்ட நிலை அலுவலா்கள் கலந்து கொண்டனா்.