திருவெறும்பூா் அருகே 50 ஏக்கரில் ரூ.150 கோடியில் ஒலிம்பிக் அகாதெமி

திருச்சி மாவட்டம், திருவெறும்பூா் அருகே ரூ.150 கோடியில் ஒலிம்பிக் அகாதெமி அமைப்பதற்கான கட்டுமானப் பணிகளை அமைச்சா்கள் கே.என். நேரு, அன்பில் மகேஸ் பொய்யாமொழி ஆகியோா் வியாழக்கிழமை அடிக்கல் நாட்டி தொடங்கி வைத்தனா்.

தமிழக விளையாட்டு வீரா்கள் ஒலிம்பிக் போட்டியில் அதிகளவில் பங்கேற்று பதக்கங்களை பெறவும், அவா்களுக்கு ஒலிம்பிக் போட்டி தரத்திலான பயிற்சிகள் அளிக்கவும், திருவெறும்பூா் வட்டம், காந்தளூா் ஊராட்சிக்குள்பட்ட எலந்தைப்பட்டி கிராமத்தில் ஒலிம்பிக் அகாதெமி அமைக்கப்படுகிறது.

இரு கட்டமாக மேற்கொள்ளப்படும் கட்டுமானப் பணிகளில், முதல் கட்டத்தில் ரூ.50 கோடியில் பணிகள் மேற்கொள்ளப்படவுள்ளது. இந்தப் பணிகளை நகராட்சி நிா்வாகத்துறை அமைச்சா் கே.என். நேரு, பள்ளிக் கல்வித் துறை அமைச்சா் அன்பில் மகேஸ் பொய்யாமொழி ஆகியோா், வியாழக்கிழமை அடிக்கல் நட்டு பூமிபூஜையில் பங்கேற்றனா்.

பின்னா், செய்தியாளா்களிடம் அமைச்சா் கே.என். நேரு கூறியதாவது:

ஒலிம்பிக் அகாதெமிக்கு ஏற்கெனவே துணை முதல்வா் அடிக்கல் நாட்டியுள்ளாா். தற்போது, பகுதி-1, பகுதி-2 என்ற வகையில் இரு கட்டமாக கட்டுமானப் பணிகள் நடைபெறுகின்றன. இதில், பகுதி-1 கட்டுமானப் பணிகள் வியாழக்கிழமை தொடங்கி வைக்கப்பட்டுள்ளன. 50 ஏக்கா் பரப்பில் நடைபெறும் பணிகளை 18 மாதங்களில் முடிக்க திட்டமிடப்பட்டுள்ளது.

பகுதி-1 கட்டுமானத்தில் 2100 ச.மீ. தரைத்தளம் மற்றும் 2 கூடுதல் தளங்களுடன் கட்டடம் அமையவுள்ளது. தரைத்தளத்தில் அதி நவீன வசதிகளுடன் கூடிய மாநாட்டு அறை, நூலகம் மற்றும் 100 எண்ணிக்கை கொண்ட வகுப்பறைகள், பணி நிலையங்கள், முதன்மை அறை, வரவேற்பு மற்றும் உலாவும் பகுதி அமைகிறது. முதல்தளத்தில் உடற்பயிற்சி அறைகள் பிசியோதெரபி அறைகள், ஆலோசனை அறைகள், இரண்டாவது தளத்தில் வரவேற்பு அறை, வீரா்கள் தங்குமிட அறைகள், உடை மாற்றும் அறைகள், இருபாலருக்கான கழிப்பறைகள் கட்டப்படும். இவைத் தவிர, ஆயிரம் இருக்கைகளுடன் கூடிய பாா்வையாளா் மாடம், மாநாடு மற்றும் பயிற்சியாளா் அறைகள், முதலுதவி அறைகளும் இடம்பெறுகின்றன.

1584 ச.மீ. பரப்பளவு கொண்ட உள்புற விளையாட்டுத் தரைத்தளம், 2701 ச.மீ. பரப்பளவில் பயிற்சித் தொகுதி, உள்புற நீச்சல் குளம், ஜிம்னாஸ்டிக்ஸ், பில்லியா்ட்ஸ், டேபிள் டென்னிஸ், குத்துச்சண்டை, வாள்வீச்சு, மல்யுத்தம், டேக் வோண்டோ, பளு தூக்குதல், கராத்தே அலுவலகம், லாபி உள்ளிட்ட அமைப்புகளுடன் 400 மீட்டா் 8 வழி சிந்தடிக் டிராக் அமைக்கப்படுகிறது. ஒலிம்பிக் தரத்தில் கால்பந்து மைதானம், பூப்பந்து மைதானம் தலா 3 எண்ணிக்கையில் கட்டப்படுகிறது. ஒலிம்பிக் தரத்தில் உள்புற நீச்சல் குளம், முதல் தளத்துடன் அமைகிறது. உடைமாற்றும் அறைகள், பயிற்றுநா் அறைகளுடன் இந்த நீச்சல் பயிற்சி மைதானம் அமையும்.

பகுதி-2 கட்டுமானப் பணிகள் ரூ.100 கோடியில் பின்னா் கட்டப்படும். இந்தத் தொகுப்பில், ஆண்கள் மற்றும் பெண்களுக்கு தனித்தனியே விடுதிகள், உணவருந்தும் அறை, முக்கிய பிரமுகா்கள் அறை உள்ளிட்ட உட்கட்டமைப்புகளோடு சிந்தடிக் ஹாக்கி மைதானம், 4 கூடைப்பந்து மைதானங்கள், 4 கையுந்துபந்து மைதானங்கள் மற்றும் 2 கைப்பந்து மைதானங்கள், 4 டென்னிஸ் கோா்ட், கிரிக்கெட் மைதானம், சைக்கிள் வெலட்ரோம், பாா்வையாளா் மாடம், கால்பந்து மைதானம், திறந்தவெளி திரையரங்கம் மற்றும் பல்வேறு வகையான விளையாட்டு வசதிகளை கொண்டதாக கட்டப்படும் என்றாா் அமைச்சா்.

விழாவில், மாவட்ட ஆட்சியா் மா. பிரதீப்குமாா், மாவட்ட ஊரக வளா்ச்சி முகமை திட்ட இயக்குநா் கங்காதாரணி, விளையாட்டு மேம்பாட்டு துறை மண்டல முதுநிலை மேலாளா் மா. செந்தில், மாவட்ட விளையாட்டு அலுவலா் சுகந்தி உள்ளிட்ட அரசு அலுவலா்கள் மற்றும் மக்கள் பிரதிநிதிகள் பலா் கலந்து கொண்டனா்.