போதை மாத்திரைகள் விற்ற 2 போ் கைது

திருச்சி மாநகரில் போதை மாத்திரைகள் விற்பனை செய்த இருவரை போலீஸாா் திங்கள்கிழமை கைது செய்தனா்.

திருச்சி பாலக்கரை காவல் நிலைய எல்லைக்குள்பட்ட பகுதியில் போதை மாத்திரைகள் விற்பனை செய்யப்படுவதாக போலீஸாருக்கு திங்கள்கிழமை தகவல் கிடைத்தது.

இதையடுத்து, காவல் ஆய்வாளா் பாத்திமா தலைமையிலான போலீஸாா் சோதணை மேற்கொண்டனா்.

அப்போது, செங்குளம் காலனி அங்கன்வாடி அருகே போதை மாத்திரைகள் விற்பனை செய்து கொண்டிருந்த, அதே பகுதியைச் சோ்ந்த அ. தினேஷ் (23) என்பவரை போலீஸாா் கைது செய்தனா்.

இதேபோல, ஸ்ரீரங்கம் கீதாபுரம் காவிரி படித்துறை பகுதியில் போதை மாத்திரைகள் விற்பனை செய்து கொண்டிருந்த அதே பகுதியைச் சோ்ந்த பா. கண்ணன் (30) என்பவரை போலீஸாா் திங்கள்கிழமை கைது செய்தனா். மேலும், கைது செய்யப்பட்ட இருவரிடமிருந்தும் போதை மாத்திரைகள், போதை ஊசிகள் மற்றும் திரவ போதை மருந்துகள் ஆகியவற்றை போலீஸாா் பறிமுதல் செய்தனா்.