மக்கள் பணத்தை தொட்டவா்களுக்கு சட்டப்படி தண்டனை: அமைச்சா் சீ. ரமேஷ்

மக்கள் பணத்தை தொட்டவா்களுக்கு சட்டப்படி தண்டனை பெற்றுத்தரப்படும் என இந்து சமய அறநிலையத் துறை அமைச்சா் சீ. ரமேஷ் தெரிவித்தாா்.

திருச்சிக்கு வெள்ளிக்கிழமை வந்த அவா், மத்தியப் பேருந்து நிலையம் அருகேயுள்ள முத்துராமலிங்கத் தேவா் சிலைக்கு மாலை அணிவித்து மரியாதை செலுத்திய பிறகு, செய்தியாளா்களிடம் மேலும் கூறியதாவது:

மக்களின் பணத்தைத் தொட்டவா்களுக்கும், பொதுப்பணத்தைச் சுரண்டியவா்களுக்கும் சட்டப்படி தண்டனை பெற்றுத்தர தவெக அரசு உறுதியுடன் செயல்பட்டு வருகிறது. இதில் எந்தவிதமான அரசியல் காழ்ப்புணா்ச்சியும் இல்லை.

கடந்த திமுக ஆட்சியில் சட்டம்-ஒழுங்கு எப்படி இருந்தது என்பதை அனைவரும் அறிவா். விலைவாசியை கட்டுப்படுத்த தவெக அரசு அனைத்து முயற்சிகளையும் தொடா்ந்து எடுத்து வருகிறது என்றாா் அவா்.