மதுரை மீனாட்சியம்மன் கோயில் கும்பாபிஷேகம்! தாம்பரம் -மதுரை இடையே சிறப்பு ரயில்!

மதுரை மீனாட்சி அம்மன் கோயில் கும்பாபிஷேகத்தையொட்டி தாம்பரம் - மதுரை - தாம்பரம் இடையிலான அதிவிரைவு சிறப்பு ரயில்கள் இயக்கப்பட உள்ளன.

இதன்படி, தாம்பரம் - மதுரை அதிவிரைவு சிறப்பு ரயிலானது (06157) செப். 16-ஆம் தேதியும், மதுரை - தாம்பரம் அதிவிரைவு சிறப்பு ரயிலானது (06158) செப்.17- ஆம் தேதியும் இயக்கப்பட உள்ளது.

7 குளிா்சாதனப் பெட்டிகள், 13 படுக்கை பெட்டிகள், 2 லக்கேஜ் பெட்டிகள் என மொத்தம் 22 பெட்டிகளுடன் இயக்கப்படும் இந்த ரயிலானது தாம்பரத்திலிருந்து செப்.16-ஆம் தேதி இரவு 9.40 மணிக்குப் புறப்பட்டு செங்கல்பட்டு, விழுப்புரம், விருத்தாச்சலம், திருச்சி, திண்டுக்கல் வழியாக மதுரைக்கு அடுத்த நாள் காலை 5 மணிக்குச் சென்றடையும்.

மறுமாா்க்கமாக, மதுரையிலிருந்து 17-ஆம் தேதி இரவு 7 மணிக்குப் புறப்பட்டு மேற்கண்ட வழித்தடம் வழியாக தாம்பரத்துக்கு அடுத்த நாள் அதிகாலை 3.20 மணிக்குச் சென்றடையும் என திருச்சி கோட்ட ரயில்வே நிா்வாகம் தகவல் தெரிவித்துள்ளது.