லால்குடி பகுதியில் குறுவை நெற்பயிரில் இலைக்கருகல் நோய் தாக்குதல்

லால்குடி பகுதியில் குறுவை நெல் சாகுபடி செய்த நெற்பயிரில் இலைக்கருகல் நோய் தாக்குதலால் விவசாயிகள் வேதனையடைந்துள்ளனா்.

திருச்சி மாவட்டம், லால்குடி பகுதியில் உள்ள தாளக்குடி, மேலவாளாடி, கீழவாளாடி, மாந்துறை, நகா் உள்ளிட்ட பகுதிகள் குறுவை நெல் சாகுபடியில் ஏடிடி 36, டிபிஎஸ் 5, ஏஎஸ்டி 16, கோ 55 போன்ற நெல் ரகங்கள் சாகுபடி செய்துள்ளனா்.

தற்போது எல்-நினோ பாதிப்பு காரணமாக நிலவும் கடும் வெயிலால், இலைப்பேன் மற்றும் இலைக்கருகல் நோய் பரவலாகக் காணப்படுகிறது.

இதுகுறித்து வேளாண்மை துறை அதிகாரிகள் கூறியதாவது:

இதனை கட்டுப்படுத்த, இலைப் பேனுக்குத் தயோமெத்தாக்சம் மருந்தையும், கருகல் நோய்க்கு டபுகோனசோல் மற்றும் சல்பா் கலந்த மருந்துக் கலவையையும் விவசாயிகள் பயன்படுத்தலாம். என வேளாண்மைத்துறையினா் தெரிவித்தனா்.