திருவண்ணாமலை கிரிவலப் பாதையில் மது, இறைச்சிக் கடைகளை அகற்ற வேண்டும்: அா்ஜுன் சம்பத் வலியுறுத்தல்

திருவண்ணாமலை காா்த்திகை தீபத் திருவிழாவை முன்னிட்டு கிரிவலப் பாதையில் உள்ள மது மற்றும் இறைச்சிக் கடைகளை அகற்ற வேண்டும் என்று இந்து மக்கள் கட்சித் தலைவா் அா்ஜுன் சம்பத் வலியுறுத்தியுள்ளாா்.

வேலூா் கோட்டை ஸ்ரீ ஜலகண்டேஸ்வரா் கோயில் வளாகத்தில், திரு அண்ணாமலையாா் திருக்குடை சமிதி மற்றும் சாது சன்னியாசிகள் பாதுகாப்பு சமிதி சாா்பில் 8-ஆவது ஆண்டு அண்ணாமலையாா் திருக்குடை வைபவ விழா வியாழக்கிழமை நடைபெற்றது.

விழாக்குழு நிா்வாகிகள் தலைமையில் நடைபெற்ற இந்நிகழ்ச்சியில், திருவண்ணாமலை ஸ்ரீ அருணாசலேஸ்வரா் கோயிலுக்குச் சுவாமி திருக்குடைகள் வழங்கப்பட்டன. இதில் திரளான பக்தா்கள் பங்கேற்றனா். நிகழ்ச்சியில் சிறப்பு அழைப்பாளராக இந்து மக்கள் கட்சித் தலைவா் அா்ஜுன் சம்பத் பங்கேற்று செய்தியாளா்களிடம் கூறியது -

உலகம் முழுவதும் உள்ள இந்துக் கோயில்களில் காா்த்திகை தீபத் திருவிழா நடைபெற உள்ளது. குறிப்பாக, திருவண்ணாமலை அருணாசலேஸ்வரா் கோயில் தீபத் திருவிழாவுக்கு லட்சக்கணக்கான பக்தா்கள் வருகை தருவா். அவா்களுக்குக் கோயில் நிா்வாகம் உரிய முக்கியத்துவம் அளிக்க வேண்டும்.

மேலும், கிரிவலப் பாதையில் உள்ள மது மற்றும் இறைச்சிக் கடைகளை உடனடியாக அகற்ற வேண்டும். கோயில் விழாக்களின்போது மின்தடை ஏற்படுவதைத் தவிா்க்க வேண்டும்.திருப்பரங்குன்றம் மலை தீபத் தூணில் தீபம் ஏற்ற நீதிமன்றம் உத்தரவிட்டும், முந்தைய திமுக அரசு அதனைச் செயல்படுத்த மறுத்தது. தற்போதைய தவெக அரசு அந்த நீதிமன்றத் தீா்ப்பை நிறைவேற்ற வேண்டும்.

வரும் நவ.22-ஆம் தேதி மதுரை திருப்பரங்குன்றம் மலையில் இந்து மக்கள் கட்சி சாா்பில் கந்த சஷ்டி கவசம் பாராயணம் செய்யும் நிகழ்ச்சி நடைபெறவுள்ளது. இதில் கட்சியின் நிா்வாகிகளும் தொண்டா்களும் கலந்துகொள்ள உள்ளனா். கோயில் வளாகத்தில் வணிக வளாகம் கட்டுவது போன்ற முந்தைய திமுக ஆட்சியில் நடந்த சில தவறுகளைத் தற்போதைய தவெக அரசு தடுத்துள்ளது. முன்னாள் அமைச்சா் சேகா் பாபுவின் செயல்பாடுகளுக்கும், தற்போதைய அறநிலையத் துறை அமைச்சா் ரமேஷின் செயல்பாடுகளுக்கும் நிறைய வேறுபாடுகள் உள்ளன. தற்போதைய அமைச்சா் ரமேஷ் நல்லது செய்ய வேண்டும் என நினைக்கிறாா். பொறுத்திருந்து பாா்ப்போம் என்றாா்.