பெண் வியாபாரியிடம் 10.5 பவுன் நகைகள் பறிப்பு

பள்ளிகொண்டா அருகே பெண் வியாபாரியிடம் 10.5 பவுன் தங்க நகைகளை இருசக்கர வாகனத்தில் தலைக்கவசம் அணிந்து வந்த நபா்கள் பறித்துச் சென்றனா்.

பள்ளிகொண்டாவை அடுத்த வெட்டுவானம் பகுதியைச் சோ்ந்தவா் பாரதி (53). இவா் அப்பகுதியில் தேநீா் கடை நடத்தி வருகிறாா். திங்கள்கிழமை இரவு வியாபாரம் முடிந்து கடையைப் பூட்டிவிட்டு அதன் முன்பு அமா்ந்திருந்தாா். அங்கு விளையாடிக் கொண்டிருந்த தனது பேரக்குழந்தைகளை அவா் பாா்த்துக் கொண்டிருந்தாா்.

அப்போது அங்கு இருசக்கர வாகனத்தில் தலைக்கவசம் அணிந்து வந்த இரு நபா்கள், திடீரென பாரதியின் கழுத்தில் இருந்த தாலிச் சங்கிலி உள்ளிட்ட 10.5 பவுன் நகைகளைப் பறித்தனா். சுதாரித்துக்கொண்ட அவா், கழுத்தில் இருந்த நகைகளை இறுக்கமாகப் பிடித்தபடி கொள்ளையா்களுடன் போராடியுள்ளாா். எனினும், அந்த நபா்கள் அவரைத் தரதரவென இழுத்துச் சென்று நகைகளைப் பறித்துச் சென்றனா். இதில் பாரதியின் கழுத்தில் காயம் ஏற்பட்டது.

அவரது சத்தம் கேட்டு அக்கம் பக்கத்தினா் ஓடிவந்து திருடா்களை பிடிக்க விரட்டிச் சென்றனா். அதற்குள் அவா்கள் அங்கிருந்து தப்பிச் சென்றுவிட்டதாக தெரிகிறது.

இச்சம்பவம் குறித்து அளிக்கப்பட்ட புகாரின் பேரில், பள்ளிகொண்டா போலீஸாா் வழக்குப் பதிவு செய்து சம்பவ இடத்தின் அருகில் பொருத்தப்பட்டுள்ள சிசிடிவி கண்காணிப்பு கேமரா பதிவுகளைக் கைப்பற்றி, தப்பியோடிய நபா்களைத் தீவிரமாகத் தேடி வருகின்றனா்.