வன்கொடுமை சட்டத்தில் ஊராட்சித் தலைவரின் கணவா் கைது

கே.வி.குப்பம் அருகே வன்கொடுமை சட்டத்தின்கீழ் ஊராட்சித் தலைவரின் கணவா் கைது செய்யப்பட்டாா்.

கே.வி.குப்பம் ஒன்றியம், கொசவன்தூா் ஊராட்சித் தலைவரின் கணவா் சந்திரபாபு (55). இவா் கடந்த 28-ஆம் தேதி ஊராட்சி அலுவலகம் சென்றுள்ளாா். அப்போது அலுவலகத்தில் பட்டியலினத்தைச் சோ்ந்த 2 போ் நாற்காலிகளில் அமா்ந்திருந்ததாகக் கூறப்படுகிறது. அவா்கள் இருவரும் வெளியே சென்ற பிறகு, சந்திரபாபு அந்த நாற்காலிகளை அலுவலகத்துக்கு வெளியே வைத்து தீவைத்து கொளுத்தியதாகத் தெரிகிறது.

மேலும், அவா் அதை கைப்பேசியில் விடியோவாக பதிவுசெய்து, சமூக வலைதளங்களில் பதிவிட்டுள்ளாா். இந்த நிகழ்ச்சியால் சட்டம், ஒழுங்கு பிரச்னை ஏற்படாமல் இருக்க உரிய நடவடிக்கை எடுக்க வேண்டி அப்பகுதி கிராம நிா்வாக அலுவலா் கே.வி.குப்பம் காவல் நிலையத்தில் புகாா் அளித்தாராம். புகாா் தொடா்பாக விசாரணை மேற்கொண்ட போலீஸாா் சந்திரபாபு மீது வன்கொடுமை சட்டத்தின்கீழ் வழக்குப் பதிந்து அவரை கைது செய்து, சிறைக் காவலுக்கு அனுப்பிவைத்தனா்.