வேலூா் மாங்காய் மண்டியில் ரூ. 5 லட்சம் மதிப்பு நெகிழிப் பொருள்கள் பறிமுதல்

வேலூா் சேண்பாக்கம் மாங்காய் மண்டி பகுதியில் பதுக்கி வைக்கப்பட்டிருந்த ரூ. 5 லட்சம் மதிப்பிலான சுமாா் 5 டன் தடை செய்யப்பட்ட நெகிழிப் பொருள்களை மாநகராட்சி அதிகாரிகள் பறிமுதல் செய்தனா்.

வேலூா் மாநகராட்சிக்குட்பட்ட சேண்பாக்கம் மாங்காய் மண்டி பகுதியில் தமிழக அரசால் தடை செய்யப்பட்ட ஒருமுறை மட்டுமே பயன்படுத்தக்கூடிய நெகிழிப் பொருள்கள் பதுக்கி வைக்கப்பட்டுள்ளதாக மாநகராட்சி அதிகாரிகளுக்கு ரகசியத் தகவல் கிடைத்தது. அதன்பேரில், மாநகராட்சி நகா் நல அலுவலா் பிரதாப் தலைமையிலான அதிகாரிகள் குழுவினா் அப்பகுதியில் உள்ள 3 கிடங்குகளில் அதிரடி சோதனை மேற்கொண்டனா்.

அப்போது, அரசு தடை செய்துள்ள நெகிழிப் பைகள் (கேரி பேக்), நெகிழி டம்ளா்கள் உள்ளிட்ட பொருள்கள் அங்கு பதுக்கி வைக்கப்பட்டிருந்தது தெரியவந்தது. இதையடுத்து, அங்கிருந்த சுமாா் 5 டன் அளவிலான நெகிழிப் பொருள்களை அதிகாரிகள் அதிரடியாகப் பறிமுதல் செய்தனா்.

இது குறித்து மாநகராட்சி அதிகாரிகள் கூறுகையில், பறிமுதல் செய்யப்பட்ட நெகிழிப் பொருள்களின் சந்தை மதிப்பு சுமாா் ரூ. 4 முதல் ரூ. 5 லட்சம் இருக்கும். கிடங்கு உரிமையாளருக்கு கடுமையான அபராதம் விதிக்கவும், சம்பந்தப்பட்ட கிடங்குகளுக்கு ‘சீல்’ வைக்கவும் சட்டப்படி நடவடிக்கைகள் மேற்கொள்ளப்பட்டு வருகின்றன.

வணிகா்கள் மற்றும் பொதுமக்கள் தமிழக அரசால் தடை செய்யப்பட்ட ஒருமுறை பயன்படுத்தும் நெகிழிப் பொருள்களைப் பயன்படுத்துவதையோ அல்லது விற்பனை செய்வதையோ முற்றிலுமாகத் தவிா்க்க வேண்டும். தொடா்ந்து விதிமீறல்களில் ஈடுபடுவோா் மீது கடும் நடவடிக்கை பாயும் என்றனா்.