வெள்ள நிவாரணம் வழங்கக் கோரி 3 இடங்களில் சாலை மறியல்: போக்குவரத்து பாதிப்பு- 92 போ் கைது

விழுப்புரம்/செஞ்சி: ஃபென்ஜால் புயலால் பாதிக்கப்பட்டவா்களுக்கு வெள்ள நிவாரணம் வழங்க வலியுறுத்தி, விழுப்புரம் மாவட்டத்தில் 3 இடங்களில் கிராம மக்கள் திங்கள்கிழமை சாலை மறியலில் ஈடுபட்டனா். கூட்டேரிப்பட்டில் மறியலில் ஈடுபட முயன்ற 92 பேரை போலீஸாா் கைது செய்தனா்.

வானூா் வட்டம், கொந்தமூா் கிராமத்தில் ஃபென்ஜால் புயலால் பாதிக்கப்பட்டவா்களுக்கு அரசு அறிவித்த வெள்ள நிவாரணம் தற்போது வரை முறையாக வழங்கப்படவில்லையாம். இதனால், அந்தப் பகுதி மக்கள் புதுச்சேரி-திண்டிவனம் சாலையில் திங்கள்கிழமை சாலை மறியலில் ஈடுபட்டனா்.

இதையடுத்து, வானூா் வட்டாட்சியா் நாராயணமூா்த்தி மற்றும் கிளியனூா் போலீஸாா் நிகழ்விடம் சென்று பேச்சுவாா்த்தை நடத்தி, வெள்ள நிவாரணம் வழங்க நடவடிக்கை எடுப்பதாக தெரிவித்தனா். இதையடுத்து, கிராம மக்கள் மறியலை விலக்கிக் கொண்டனா்.

இதேபோல, வானூா் வட்டம், அருவாப்பாக்கம் கிராமத்தைச் சோ்ந்த 100-க்கும் மேற்பட்டோா் அந்தப் பகுதியில் சாலை மறியலில் ஈடுபட்டனா். இந்த மறியல்களால் புதுச்சேரி- திண்டிவனம் சாலையில் சுமாா் ஒரு மணி நேரத்துக்கும் மேலாக போக்குவரத்து பாதிக்கப்பட்டது.

92 போ் கைது: திண்டிவனம் வட்டம், மயிலம் கூட்டேரிப்பட்டு பகுதியில் வெள்ள நிவாரணம் வழங்கக் கோரி சாலை மறியலில் ஈடுபட முயன்ற 92 பேரை மயிலம் போலீஸாா் தடுத்து நிறுத்தி கைது செய்தனா். பின்னா், கைது செய்யப்பட்ட அனைவரும் அருகில் உள்ள திருமண மண்டபத்தில் தங்க வைக்கப்பட்டு விடுவிக்கப்பட்டனா்.

மறியலில் ஈடுபட முயன்ற கிராம மக்களிடம் திண்டிவனம் டி.எஸ்.பி. பிரகாஷ், வட்டாட்சியா் சிவா ஆகியோா் பேச்சுவாா்த்தை நடத்தி வெள்ள நிவாரணம் வழங்க நடவடிக்கை எடுப்பதாக தெரிவித்தனா்.

செஞ்சி: செஞ்சி வட்டம், வல்லம் ஒன்றியம், மேல்சேவூா் கிராம மக்கள் வெள்ள நிவாரணம் வழங்கக் கோரி திங்கள்கிழமை சாலை மறியலில் ஈடுபட்டனா். இதனால், சுமாா் ஒரு மணி நேரம் போக்குவரத்து தடைபட்டது.

ஃபென்ஜால் புயல், மழை வெள்ளத்தால் மேல்சேவூா் கிராமத்தில் பயிரிடப்பட்டிருந்த நெல், மணிலா உள்ளிட்ட பயிா்கள் மற்றும் வீடுகள் சேதமடைந்தன. இந்த நிலையில், வல்லம் ஊராட்சி ஒன்றியத்தில் 10 கிராமங்களை தவிர மற்ற கிராமங்களுக்கு வெள்ள நிவாரணம் வழங்கப்படவில்லையாம். இதனால், அந்த கிராம மக்கள் திங்கள்கிழமை காலை ரெட்டணை-செஞ்சி பிரதான சாலையில் மறியலில் ஈடுபட்டனா்.

தகவலறிந்த செஞ்சி போலீஸாா் நிகழ்விடம் சென்று கிராம மக்களிடம் பேச்சு வாா்த்தை நடத்தினா். அப்போது, உடனடியாக மாவட்ட நிா்வாகம் நிவாரண உதவியை வழங்க வேண்டும் என்று கோரிக்கை விடுத்தனா்.

இதையடுத்து, செஞ்சி வட்டாட்சியா் மற்றும் மாவட்ட ஆட்சியரிடம் தகவல் தெரிவித்து நிவாரணம் வழங்க நடவடிக்கை எடுப்பதாக கூறியதையடுத்து, சாலை மறியல் கைவிடப்பட்டது. இந்த திடீா் மறியலால் சுமாா் ஒரு மணி நேரம் போக்குவரத்து பாதிக்கப்பட்டது.