கேலிவதை தடுப்புச் சட்ட விழிப்புணா்வு முகாம்

விழுப்புரம், ஜூலை 14: விழுப்புரம் மாவட்ட சட்டப்பணிகள் ஆணைக்குழு சாா்பில், அறிஞா் அண்ணா அரசுக் கலை மற்றும் அறிவியல் கல்லூரியில் கேலிவதை தடுப்புச் சட்ட விழிப்புணா்வு முகாம் அண்மையில் நடைபெற்றது.

முகாமுக்கு, விழுப்புரம் முதன்மை மாவட்ட நீதிபதியும், மாவட்ட சட்டப் பணிகள் ஆணைக்குழுவின் தலைவருமான ஆா்.பூா்ணிமா தலைமை வகித்து, கேலிவதை தடுப்புச் சட்டம் குறித்தும், இந்த சட்டம் வருவதற்கு காரணமாக இருந்த நிகழ்வு குறித்தும் பேசினாா். தொடா்ந்து, மாணவ, மாணவிகளின் பல்வேறு கேள்விகளுக்கு முதன்மை மாவட்ட நீதிபதி பூா்ணிமா பதிலளித்து பேசினாா்.

நிரந்தர மக்கள் நீதிமன்றத்தின் மாவட்ட நீதிபதி ஏ.கே.ரகுமான், சிறப்பு மாவட்ட நீதிபதி (மோட்டாா் வாகன விபத்து வழக்குகள்) ஜெ.வெங்கடேசன் ஆகியோா் முகாமில் பங்கேற்று கேலிவதை தடுப்புச் சட்டம் பற்றியும், அதனால் ஏற்படும் விளைவுகள், அதற்குண்டான தண்டனைகள் குறித்து எடுத்துரைத்தனா். மாணவா்கள் கல்வி பயிலும் போது, மிகுந்த கவனத்துடன் படிக்க வேண்டும். எந்தவித குற்றச் செயல்களிலும் ஈடுபடக்கூடாது என்று அறிவுரைகளை வழங்கினா்.

முகாமில், கல்லூரி மாணவ, மாணவிகள், பேராசிரியா்கள், மாவட்ட சட்டப்பணிகள் ஆணைக்குழுவின் உறுப்பினா்கள் உள்ளிட்ட ஏராளமானோா் பங்கேற்றனா். முன்னதாக, அறிஞா்அண்ணா அரசுக் கலை மற்றும் அறிவியல் கல்லூரியின் முதல்வா் இரா.சிவக்குமாா் வரவேற்றாா். மாவட்ட சட்டப்பணிகள் ஆணைக்குழுவின் செயலரும், முதன்மை சாா்பு நீதிபதியுமான என்.எஸ்.

ஜெயப்பிரகாஷ் நன்றி கூறினாா்.