சாராய வியாபாரி தடுப்புக் காவலில்  கைது

சாராய வியாபாரி தடுப்புக் காவலில்  கைது செய்யப்பட்டார்.
 காடாம்புலியூர் காவல் நிலைய ஆய்வாளர் குமரய்யா மற்றும் போலீஸார் கடந்த மாதம் 14-ஆம் தேதி நடுபிள்ளையார்குப்பம்  பகுதியில் கண்காணிப்பில் ஈடுபட்டனர். அப்போது மேட்டுத் தெருவைச் சேர்ந்த வே.நாமதேவன் (எ) உருண்டையன் (61) என்பவர், தனது வீட்டின் பின்புறத்தில் 1,350 லிட்டர் சாராயத்தை பதுக்கி வைத்து விற்பனை செய்ததை கண்டறிந்து, அவரை கைது செய்தனர். தற்போது நாமதேவன் நீதிமன்ற காவலில் சிறையில் உள்ளார்.
 இவர் மீது ஏற்கெனவே  காடாம்புலியூர் மற்றும் பண்ருட்டி மது விலக்கு அமல்பிரிவில்  மொத்தம் 8 சாராய வழக்குகள் நிலுவையில் உள்ளது தெரிய வந்தது. இவரது தொடர் குற்ற செய்கையை கட்டுப்படுத்தும் பொருட்டு  கடலூர் மாவட்ட எஸ்பி (பொ) ஜெயகுமார் பரிந்துரையின் பேரில் மாவட்ட ஆட்சியர்  வெ.அன்புசெல்வன் தடுப்பு காவலில் கைது செய்வதற்கான உத்தரவை பிறப்பித்தார். இதையடுத்து ஓராண்டுக்கு சிறையில் அடைக்கும் வகையில் நாமதேவன் குண்டர் தடுப்பு காவலில் கைதுசெய்யப்பட்டு கடலூர் மத்திய சிறையில் அடைக்கப்பட்டார்.