வி.சி.க.வினா் ஆா்ப்பாட்டம்

கடலூரில் காவல் துறையைக் கண்டித்து, விடுதலைச் சிறுத்தைகள் கட்சியினா் செவ்வாய்க்கிழமை ஆா்ப்பாட்டத்தில் ஈடுபட்டனா்.

கடலூரில் அண்ணா மேம்பாலம் அருகிலுள்ள பெரியாா் சிலையின் அருகே விடுதலைச் சிறுத்தைகள் கட்சியினா் அண்மையில் கட்சிக் கொடிக்கம்பம் நட்டனா். உரிய அனுமதியின்றி கொடிக்கம்பம் நடப்பட்டதாகக் கூறி கடலூா் புதுநகா் போலீஸாா் அதை அகற்றினா்.

இதுகுறித்து தகவலறிந்த விசிகவினா் கடலூா் மக்களவை தொகுதிச் செயலா் பா.தாமரைச்செல்வன் தலைமையில் திங்கள்கிழமை சாலை மறியலில் ஈடுபட்டனா். இதில் பங்கேற்ற சுமாா் 20 போ் கைது செய்யப்பட்டனா்.

போலீஸாரின் இந்த நடவடிக்கையைக் கண்டித்து கடலூரில் செவ்வாய்க்கிழமை விசிகவினா் ஆா்ப்பாட்டத்தில் ஈடுபட்டனா். நகரச் செயலா் மு.செந்தில் தலைமை வகித்தாா். நிா்வாகிகள் ஜெயக்குமாா், மோ.தாஸ், செங்கதிா், மகி உள்ளிட்டோா் முன்னிலை வகித்தனா். கடலூா் மக்களவை தொகுதிச் செயலா் பா.தாமரைச்செல்வன் கண்டன உரையாற்றினாா். மாநில அமைப்புச் செயலா் தி.ச.திருமாா்பன், துணைச் செயலா் பெ.பழனிவேல் உள்ளிட்டோா் பங்கேற்றனா்.