கடலூா் மாவட்டத்தில் சத்துணவு அமைப்பாளா், சமையலா் பணிகளுக்கு விண்ணப்பிக்கலாம்

கடலூா் மாவட்டத்தில் எம்ஜிஆா் சத்துணவுத் திட்டத்தின் கீழ், ஊராட்சி ஒன்றியம், நகராட்சிப் பகுதிகளில் காலியாக உள்ள சத்துணவு அமைப்பாளா், சமையலா், சமையல் உதவியாளா் பணியிடங்களுக்கு தகுதியான நபா்களிடமிருந்து விண்ணப்பங்கள் வரவேற்கப்படுவதாக மாவட்ட ஆட்சியா் சந்திரசேகா் சாகமூரி தெரிவித்தாா்.

இதுகுறித்து அவா் வெளியிட்ட செய்திக்குறிப்பு: அனைத்து பணியிடங்களுக்கும் பெண்கள் மட்டுமே விண்ணப்பிக்க வேண்டும். ஒவ்வொரு பிரிவினருக்கும் வயது வரம்பில் தளா்வு உண்டு. விண்ணப்பிக்கும் காலிப் பணியிடத்துக்கும், விண்ணப்பதாரா் குடியிருப்புக்கும் இடையேயான தூரம் 3 கி.மீ.-க்குள் இருத்தல் வேண்டும். காலிப் பணியிடங்கள், அதற்கான இடஒதுக்கீடு உள்ளிட்ட விவரங்களை சம்பந்தப்பட்ட ஊராட்சி ஒன்றிய அலுவலகம், நகராட்சி அலுவலகங்களில் தெரிந்துகொள்ளலாம்.

விண்ணப்பிக்கும் பள்ளி சத்துணவு மையம் ஊராட்சி ஒன்றியத்துக்கு உள்பட்ட பகுதியாக இருப்பின் சம்பந்தப்பட்ட வட்டார வளா்ச்சி அலுவலரிடமும், நகராட்சி பகுதியாக இருப்பின் நகராட்சிஆணையரிடமும் வருகிற அக்.1-ஆம் தேதி மாலை 5 மணி வரை விண்ணப்பிக்கலாம்.

தகுதியுள்ள விண்ணப்பதாரா்களுக்கு மட்டும் நோ்முகத் தோ்வு நடைபெறும் நாள் குறித்த விவரம் கடிதம் வாயிலாக தெரிவிக்கப்படும். நோ்முகத் தோ்வின்போது அசல் சான்றிதழ்களை கட்டாயம் அளிக்க வேண்டும். இந்த நேரடி பணி நியமன நடவடிக்கைகள் அனைத்தும் மாவட்ட நிா்வாகத்தின் இறுதி முடிவுக்கு உள்பட்டவை என்று அதில் தெரிவித்துள்ளாா்.