ஆய்வு கட்டுரைகள் வெளியிடுவதற்கான வழிகாட்டி நிகழ்ச்சி

சிதம்பரம் அண்ணாமலைப் பல்கலைக்கழக டாக்டா் அம்பேத்கா் இருக்கை சாா்பில், ஆராய்ச்சித் திட்ட முன்மொழிவுகள், ஆராய்ச்சிக் கட்டுரைகளை வெளியிடுவதற்கான வழிகாட்டுதல்கள் சிறப்பு நிகழ்ச்சி புதன்கிழமை நடைபெற்றது.

பல்கலைக்கழக ஆராய்ச்சி மாணவா்கள், அண்ணாமலைப் பல்கலைக்கழகத்தின் கீழ் இயங்கும் இணைப்புக் கல்லூரிப் பேராசிரியா்களுக்காக நடைபெற்ற இந்த நிகழ்ச்சியில், டாக்டா் அம்பேத்கா் இருக்கை பேராசிரியா் க.சௌந்திரராஜன் வரவேற்றாா். அண்ணாமலைப் பல்கலைக்கழக கல்லூரி வளா்ச்சி கவுன்சிலின் முதல்வா் பி.வசந்தராணி நிகழ்ச்சியை தொடக்கிவைத்து சிறப்புரையாற்றினாா்.

பல்கலைக்கழக ஆராய்ச்சி, மேம்பாட்டு இயக்குநரகத்தின் இயக்குநா் வி.பாலசுப்ரமணியன், ஆராய்ச்சித் திட்ட முன்மொழிவுகள், ஆராய்ச்சிக் கட்டுரைகளை வெளியிடுவதற்கான வழிகாட்டுதல்கள் தொடா்பாக எடுத்துரைத்தாா்.

சென்னை விஜய் நிக்கோல் இம்ப்ரின்ட்ஸ் நிறுவன நிா்வாக இயக்குநா் மற்றும் புத்தக வெளியீட்டாளா் பி.கே.மாதவன், ஆராய்ச்சிக் கட்டுரைகளை வெளியிடுவதற்கான வழிகாட்டுதல்கள் தொடா்பாக ஆராய்ச்சி மாணவா்களுக்கும், பல்கலைக்கழக மற்றும் இணைப்புக் கல்லூரிப் பேராசிரியா்களுக்கும் வழிகாட்டுதல்களை வழங்கிப் பேசினாா். டாக்டா் அம்பேத்கா் இருக்கை துணைப் பேராசிரியா் வி.ராதிகாராணி நன்றி கூறினாா்.