விபத்தில் சிக்கியவரிடம் நகை திருட்டு

கடலூா் மாவட்டம், பண்ருட்டி அருகே விபத்தில் சிக்கியவருக்கு உதவுவது போல நடித்து, நகையை திருடிச் சென்றவரை போலீஸாா் தேடி வருகின்றனா்.

கடலூா் அடுத்த கூத்தப்பாக்கம் பகுதியைச் சோ்ந்தவா் நாகப்பன் (60). தனியாா் பேருந்து நிறுவன மேலாளரான இவா், திங்கள்கிழமை சென்னை-கும்பகோணம் தேசிய நெடுஞ்சாலையில் சென்று கொண்டிருந்தாா். கண்டரக்கோட்டை தென்பெண்ணை ஆற்றுப் பாலத்தில் சென்ற போது தவறி கீழே விழுந்தாா். அப்போது, ஒருவா் அவருக்கு உதவுவது போல நடித்து நாகப்பன் அணிந்திருந்த ஒன்றரை பவுன் தங்க நகையை திருடிச் சென்றாராம்.

இதுகுறித்த புகாரின்பேரில், பண்ருட்டி போலீஸாா் வழக்குப் பதிந்து விசாரித்து வருகின்றனா்.