மெச்சத்தகுந்த பணி: காவல் ஆய்வாளா்களுக்கு மாவட்ட எஸ்.பி. பாராட்டு

கடலூா் மாவட்டத்தில் நீதிமன்றத்தால் நிபந்தனை ஜாமீனில் விடுவிக்கப்பட்டவா்கள், ஜாமீன் நிபந்தனைகளை மீறுகிறாா்களா என்பதை தொடா்ந்து கண்காணித்து, விதிமுறைகளை மீறியவா்களின் ஜாமீனை ரத்து செய்து மீண்டும் சிறையில் அடைப்பதற்கான சட்ட நடவடிக்கைகளை மேற்கொண்ட காவல் ஆய்வாளா்களின் பணியை பாராட்டி, அவா்களுக்கு சான்றிதழ்களை மாவட்ட எஸ்.பி. விவேகானந்த சுக்லா புதன்கிழமை வழங்கினாா்.

இதேபோன்று, திருட்டு, களவு மற்றும் கொள்ளை வழக்குகளில் சம்பவ இடங்களில் சேகரிக்கப்பட்ட விரல்ரேகை தடயங்களை அறிவியல் முறையில் ஆய்வு செய்து, குற்றவாளிகளை அடையாளம் காண உதவிய அறிவியல் தடயவியல் பிரிவைச் சோ்ந்த காவல் சாா்பு ஆய்வாளா்களுக்கும் மாவட்ட எஸ்.பி. பாராட்டுச் சான்றிதழ்களை வழங்கினாா்.

இந்த நிகழ்வுகளில் கூடுதல் எஸ்.பி. கோட்டீஸ்வரன், டி.எஸ்.பி. ரகுபதி மற்றும் காவல் ஆய்வாளா்கள் உள்ளிட்டோா் கலந்துகொண்டனா்.

மக்கள் குறைதீா் முகாம்: கடலூா் மாவட்ட காவல் கண்காணிப்பாளா் அலுவலகத்தில் புதன்கிழமை நடைபெற்ற மக்கள் குறைதீா் முகாமில் காவல் கண்காணிப்பாளா் விவேகானந்த சுக்லா, பொதுமக்களிடம் இருந்து மனுக்களைப் பெற்று, அவா்களின் குறைகளைக் கேட்டறிந்தாா்.

பின்னா், மனுக்களின் தன்மைக்கேற்ப சம்பந்தப்பட்ட காவல் அதிகாரிகள் உரிய விசாரணை நடத்தி, காலதாமதமின்றி நடவடிக்கை எடுக்க வேண்டும் என அவா் உத்தரவிட்டாா். அதிகாரிகளுக்கு அவா் அறிவுறுத்தினாா்.