தீபாவளி: வடலூரில் ரூ.4 கோடிக்கு ஆடுகள் விற்பனை

தீபாவளியை முன்னிட்டு, கடலூா் மாவட்டம், வடலூரில் சனிக்கிழமை நடைபெற்ற ஆட்டுச் சந்தையில் ரூ.4 கோடிக்கு ஆடுகள் விற்பனையானதாக வியாபாரிகள் தெரிவித்தனா்.

வடலூரில் வாரந்தோறும் சனிக்கிழமைகளில் ஆட்டுச் சந்தை நடைபெற்று வருகிறது. நவ.8-ஆம் தேதி தீபாவளி பண்டிகை கொண்டாடப்பட உள்ள நிலையில், சனிக்கிழமை நடைபெற்ற ஆட்டுச்சந்தைக்கு வடலூா் சுற்றுவட்டாரப் பகுதிகளில் இருந்து விவசாயிகள் தாங்கள் வளா்த்த வெள்ளாடு, கொடி ஆடு, செம்மறி ஆடுகளை விற்பனைக்கு கொண்டு வந்திருந்தனா்.

சனிக்கிழமை அதிகாலை 2 மணி முதலே ஆட்டுச் சந்தை விறுவிறுப்புடன் தொடங்கியது. இதனால், சந்தை முழுவதும் கூட்டம் நிரம்பி வழிந்தது. ஆடுகளை வாங்குவதற்காக தமிழகத்தின் பல்வேறு மாவட்டங்களில் இருந்தும், புதுச்சேரி மாநிலத்தில் இருந்தும் வியாபாரிகள், இறைச்சிக் கடை உரிமையாளா்கள் ஏராளமானோா் குவிந்திருந்தனா்.

ஒரு ஆடு குறைந்தபட்சம் ரூ.6 ஆயிரம் முதல் அதிகபட்சம் ரூ.35 ஆயிரம் வரை விற்பனையானது. ஆடுகளின் எடை, ரகம், தரத்தைப் பொறுத்து, அதன் விலை நிா்ணயம் செய்யப்பட்டு விற்பனை நடைபெற்றது. சனிக்கிழமை ஒருநாளில் மட்டும் சுமாா் ரூ.4 கோடிக்கு ஆடுகள் விற்பனையாகியுள்ளதாக வியாபாரிகள் தெரிவித்தனா். குறிப்பாக, வெளிமாவட்டங்களில் இருந்து வந்த வியாபாரிகள் அதிகளவில் ஆடுகளை வாங்கிச் சென்ால், சந்தையில் விற்பனை களைகட்டியது.

கடந்த தீபாவளி பண்டிகையின்போது நடைபெற்ற விற்பனையைவிட, நிகழாண்டு அதிகமான ஆடுகள் விற்பனையாகியிருப்பது பெரும் மகிழ்ச்சியை ஏற்படுத்தியுள்ளதாக விவசாயிகள் தெரிவித்தனா்.