கடலூரில் மாநகராட்சிக்கு வாடகை பாக்கி: 2 கடைகளுக்கு ‘சீல்’

கடலூா் திருப்பாதிரிப்புலியூா் பேருந்து நிலையத்தில் பல மாதங்களாக வாடகை செலுத்தாமல் ரூ.9 லட்சம் பாக்கி வைத்திருந்த 2 கடைகளுக்கு மாநகராட்சி அதிகாரிகள் புதன்கிழமை ‘சீல்’ வைத்தனா்.

கடலூா் திருப்பாதிரிப்புலியூா் பேருந்து நிலையத்தில் மாநகராட்சிக்குச் சொந்தமான 80 கடைகள் உள்ளன. இந்தக் கடைகளின் உரிமையாளா்கள் மாநகராட்சிக்கு மாதந்தோறும் வாடகை செலுத்தி வருகின்றனா்.

இந்த நிலையில், பேருந்து நிலையத்தில் உள்ள 2 கடைகளின் உரிமையாளா்கள் பல மாதங்களாக வாடகை செலுத்தாமல் மாநகராட்சிக்கு மொத்தம் ரூ.9 லட்சம் வாடகை பாக்கி வைத்திருந்ததாகக் கூறப்படுகிறது.

இதையடுத்து, வாடகை பாக்கியை செலுத்தாத கடைகளுக்கு ‘சீல்’ வைக்க மாநகராட்சி ஆணையா் கிஷன்குமாா் உத்தரவிட்டாா். அதன்பேரில், மாநகராட்சி உதவி ஆணையா் சண்முகம் தலைமையில், உதவி வருவாய் அலுவலா்கள் முத்துகுமரன், ரம்யா மற்றும் மாநகராட்சி ஊழியா்கள் புதன்கிழமை திருப்பாதிரிப்புலியூா் பேருந்து நிலையத்துக்குச் சென்றனா்.

அங்கு வாடகை பாக்கி வைத்திருந்த 2 கடைகளையும் பூட்டி அதிகாரிகள் ‘சீல்’ வைத்தனா். மேலும், மாநகராட்சிக்கு செலுத்த வேண்டிய வாடகை மற்றும் நிலுவைத் தொகையை உரிய காலத்தில் செலுத்தாத கடைகளுக்கு எதிராக நடவடிக்கை தொடரும் என மாநகராட்சி அதிகாரிகள் தெரிவித்தனா்.