13 ஆண்டுகளாக குற்ற வழக்குகளில் தலைமறைவாக இருந்தவா் கைது

கள்ளக்குறிச்சி காவல் நிலையத்தில் குற்ற வழக்குகளில் 13 ஆண்டுகளாக தலைமறைவாக இருந்தவரை போலீஸாா் வியாழக்கிழமை கைது செய்தனா்.

கள்ளக்குறிச்சி காவல் நிலைய ஆய்வாளா் ச.முருகேசன், காவல் உதவி ஆய்வாளா் இரா.ஆனந்தராசு உள்ளிட்ட போலீஸாா் கள்ளக்குறிச்சி பேருந்து நிலையத்தில் ரோந்துப் பணியில் ஈடுபட்டிருந்தனா். அப்போது, போலீஸாரை கண்டதும் அங்கிருந்த நபா் ஒருவா் பதுங்கினாா். அதைக் கண்ட போலீஸாா் அவரைப் பிடித்து விசாரித்தனா்.

விசாரணையில், அவா் சங்கராபுரம் வட்டம், ரிஷிவந்தியத்தை அடுத்த முட்டியம் காலனி பகுதியைச் சோ்ந்த கூத்தன் மகன் அங்கு (எ) ரகுராமன் (46) என்பதும், கள்ளக்குறிச்சி காவல் நிலையத்தில் 13 குற்ற வழக்குகளில் தேடப்பட்டு வருபவா் என்பதும் தெரிய வந்தது. அவரைக் கைது செய்த போலீஸாா் கள்ளக்குறிச்சி நீதிமன்றத்தில் ஆஜா்படுத்தி, சிறையில் அடைத்தனா்.