அரசுத் திட்டங்கள் பழங்குடியினருக்கு சென்றடைவதை உறுதி செய்ய வேண்டும்: கள்ளக்குறிச்சி ஆட்சியா்

கள்ளக்குறிச்சி மாவட்டத்தில் அரசுத் திட்டங்கள் பழங்குடியினருக்கு சென்றடைவதை அதிகாரிகள் உறுதி செய்ய வேண்டுமென மாவட்ட ஆட்சியா் எம்.எஸ்.பிரசாந்த் அறிவுறுத்தினாா்.

உங்களைத் தேடி உங்கள் ஊரில் சிறப்புத் திட்டத்தின்கீழ், கல்வராயன்மலை வட்டம், வெள்ளிமலை கிராமத்தில் மலைவாழ் மக்கள் பெரும்பலநோக்கு கூட்டுறவு கடன் சங்கத்தில் ஆட்சியா் ஆய்வு மேற்கொண்டு, சங்கத்தின் செயல்பாடுகள், பராமரிக்கப்பட்டு வரும் பதிவேடுகள், பழங்குடியின மக்களுக்கு வழங்கப்பட்டுள்ள கடனுதவிகள், அரசு நலத் திட்டங்கள் உள்ளிட்டவை குறித்து கேட்டறிந்து ஆய்வு செய்தாா்.

தொடா்ந்து, கரியாலூா் கிராமத்தில் வெள்ளிமலை பழங்குடியினா் மகளிா் மரம் இல்லா வனப் பொருள்கள் மற்றும் இயற்கை வேளாண் உற்பத்தி நிறுவனத்தின் கட்டடத்தை பாா்வையிட்டு, கட்டடத்தின் தற்போதைய நிலை குறித்து ஆய்வு செய்து, மீண்டும் இக்கட்டடத்தை பயன்பாட்டுக்கு கொண்டுவருவதற்கான நடவடிக்கைகள் குறித்து அலுவலா்களுடன் ஆலோசனை மேற்கொண்டாா்.

பின்னா், தாழ்வெள்ளாா் - புரசம்பட்டு சாலை அருகில் புதிதாக பூங்கா அமைக்கப்பட உள்ள இடத்தைப் பாா்வையிட்டாா். கிளாக்காடு மலைவாழ் மக்கள் பெரும்பலநோக்கு கூட்டுறவு சங்கத்தின் கூட்டுறவு வனப் பொருள்கள் விற்பனையகத்தை பாா்வையிட்டு ஆய்வு மேற்கொண்டாா். இங்கு பொருள்களின் இருப்பு, பொருள்கள் கொள்முதல் விவரம், விற்பனை விவரம் உள்ளிட்ட தகவல்களை கேட்டறிந்து ஆய்வு செய்ததுடன், அலுவலகத்தில் பராமரிக்கப்பட்டு வரும் பதிவேடுகள், விற்பனை நிலையத்தின் செயல்பாடுகள் ஆகியவை குறித்தும் ஆய்வு மேற்கொண்டாா்.

தொடா்ந்து, சேராப்பட்டு நியாயவிலைக் கடை, மோட்டாம்பட்டி மலைவாழ் மக்கள் பெரும்பலநோக்கு கூட்டுறவு கடன் சங்க அலுவலகம் ஆகியவற்றை ஆட்சியா் பாா்வையிட்டாா். அப்போது, அரசின் திட்டங்கள் அனைத்தும் பழங்குடியின மக்களுக்கு சென்று சோ்வதை அலுவலா்கள் உறுதி செய்ய வேண்டுமென அறிவுறுத்தினாா்.

ஆய்வின்போது, கூட்டுறவு சங்கங்களின் மண்டல இணைப் பதிவாளா் சி.பெ.முருகேசன், வட்டாட்சியா், வட்டார வளா்ச்சி அலுவலா்கள் உள்ளிட்டோா் உடனிருந்தனா்.