சாலையோர மின்கம்பத்தின் முன் இறங்கி நின்ற தனியாா் பள்ளி வேன்

கள்ளக்குறிச்சி-சேலம் சென்னை புறவழிச் சாலையில் வியாழக்கிழமை தனியாா் பள்ளி வேன் நிலை தடுமாறி சாலையோர பள்ளத்தில் மின்கம்பத்தின் முன் இறங்கி நின்றது. இதனால் மாணவா்கள் பெரும் விபத்திலிருந்து அதிருஷ்டவசமாக உயிா் தப்பினா்.

கள்ளக்குறிச்சியை அடுத்த தென்கீரனூரில் இருந்து தனியாா் பள்ளி வேன் மாணவா்களை ஏற்றிக்கொண்டு வியாழக்கிழமை காலை பள்ளிக்கு சென்று கொண்டிருந்தது. அப்போது எதிரே வந்த வாகனத்துக்கு வழி விடுவதற்காக வேனை ஓட்டுநா் திருப்பிய போது சாலையோர பள்ளத்தையொட்டி நின்ற மின்கம்பத்தின் முன் நின்று விட்டது. இதனால், மாணவா்கள் அதிருஷ்டவசமாக விபத்திலிருந்து உயிா் தப்பினா்.