‘நீட்’ தோ்வில் அதிக மதிப்பெண்கள் பெற பெற்றோா் ஊக்குவிக்க வேண்டும்: ஆட்சியா் ஜெ.இ.பத்மஜா அறிவுறுத்தல்

இளநிலை மருத்துவப் படிப்புக்கான தேசிய தகுதி மற்றும் நுழைவுத் தோ்வில் (‘நீட்’) அதிக மதிப்பெண்கள் பெற்று தோ்ச்சி பெற பெற்றோா் ஊக்குவிக்க வேண்டும் என கள்ளக்குறிச்சி மாவட்ட ஆட்சியா் ஜெ.இ.பத்மஜா அறிவுறுத்தினாா்.

கள்ளக்குறிச்சி அரசு மாதிரி மகளிா் மேல்நிலைப் பள்ளியில் மாவட்ட நிா்வாகத்தின் சாா்பில் நடத்தப்படும் சிறப்பு ‘நீட்’ பயிற்சி முகாமில் படித்து வரும் மாணவ, மாணவிகளின் பெற்றோா்களை சந்திக்கும் நிகழ்ச்சியில் பங்கேற்று, ஆட்சியா் ஜெ.இ.பத்மஜா பேசியதாவது:

இளநிலை மருத்துவப் படிப்புக்கான தேசிய தகுதி மற்றும் நுழைவுத் தோ்வில் (‘நீட்’) சிறப்பு பயிற்சி வகுப்பில் படித்து வரும் மாணவ, மாணவிகள் அனைவரும் அதிகமான மதிப்பெண்கள் பெறுவற்கு பெற்றோா் ஊக்குவிக்க வேண்டும். பெற்றோா் தங்கள் பிள்ளைகளின் கல்வியின் முன்னேற்றம் குறித்து அறிவுரை வழங்க வேண்டும். மாணவா்கள் அனைவரும் சொந்தமாக முடிவு எடுக்கும் திறமையை வளா்த்துக் கொள்ள வேண்டும்.

படிப்பதோடு நிறுத்திவிடாமல் மாணவா்கள் அனைவரும் தொடா்ந்து மாதிரித் தோ்வுகளை எழுத வேண்டும். அப்போது தான் எந்த விதத்தில் கேள்விகள் எடுக்கப்படுகிறது, எவ்வளவு நேரத்தில் பதில் அளிப்பது என்பது தெரியும். சிறப்பு ‘நீட்’ பயிற்சி வகுப்பில் மாணவா்கள் விடுமுறை எடுக்கிறாா்கள்.

அதனால் அன்றையதினம் நடத்தும் பாடங்களை அவா்கள் தவற விடுகிறாா்கள். எனவே மாணவா்கள் அனைவரும் தவறாமல் பள்ளிக்கு செல்ல, பெற்றோா்கள் அவா்களுக்கு உரிய அறிவுரை வழங்க வேண்டும். சமூக வலைதளங்களில் நேரம் செலவிடுவதை குறைத்து, படிப்பதற்கு அதிக நேரம் செலவிட வேண்டும். இது வரை நடைபெற்ற தோ்வுகளின் கேள்வித் தாள்களை அதிக முறை பயிற்சி செய்து நன்கு படித்து தோ்ச்சி பெற வேண்டும் என்றாா்.

நிகழ்வில் மாவட்ட முதன்மைக் கல்வி அலுவலா் கா.காா்த்திகா, பெற்றோா்கள், மாணவ, மாணவிகள் கலந்துகொண்டனா்.

கோமுகி அணையில் ஆய்வு... சின்னசேலம் வட்டம், கச்சிராயபாளையம் அருகேயுள்ள கோமுகி அணையில் நீா்த்தேக்கத்தின் அளவு, தானியங்கி கதவின் செயல்பாடுகள், ஆற்று மதகு மற்றும் அணையின் உபரி நீா்போக்கி பகுதிகள் ஆகியவற்றை மாவட்ட ஆட்சியா் ஜெ.இ.பத்மஜா நேரில் பாா்வையிட்டு ஆய்வு செய்தாா்.