மின்மாற்றிகளில் தாமிரக் கம்பிகள் திருட்டு

கள்ளக்குறிச்சி அருகே மின்மாற்றிகளில் இருந்த 280 கிலோ தாமிரக் கம்பிகளை திருடிச் சென்ற மா்ம நபா்களை போலீஸாா் தேடிவருகின்றனா்.

கள்ளக்குறிச்சியை அடுத்த கனங்கூா் ஏரிக்கரை, சித்தேரி செல்லும் சாலையில் மின் மாற்றிகள் அமைந்துள்ளன. இந்த இரு மின்மாற்றிகளில் இருந்த ஆயிலை வெளியேற்றிவிட்டு, அதிலிருந்த ரூ.85 ஆயிரம் மதிப்பிலான சுமாா் 280 கிலோ தாமிரக் கம்பிகளை திருடி சென்றனா்.

இதுகுறித்து விருகாவூரிலுள்ள தமிழ்நாடு மின்வாரிய அலுவலகத்தின் உதவி மின் பொறியாளா் நவநீதகிருஷ்ணன் அளித்த புகாரின் பேரில் வரஞ்சரம் போலீஸாா் வழக்குப் பதிவு செய்து, மா்ம நபா்களைத் தேடி வருகின்றனா்.