போக்குவரத்து வாகனங்கள் நாளை வேலைநிறுத்தம்: தொழில்சங்கத்தினர் துண்டு பிரசுரம் விநியோகம்

புதுச்சேரியில் போக்குவரத்து வாகனங்கள் செவ்வாய்க்கிழமை (ஆகஸ்ட் 7) வேலைநிறுத்தத்தில் ஈடுபடுவது தொடர்பாக பொதுமக்களிடம் தொழில்சங்கங்கள் சார்பில் ஞாயிற்றுக்கிழமை துண்டுப் பிரசுரங்கள் விநியோகித்து விழிப்புணர்வு பிரசாரம் செய்யப்பட்டது.
 புதுச்சேரி புதிய பேருந்து நிலையத்தில் நடைபெற்ற இந்த நிகழ்ச்சியில் ஏஐடியூசி சார்பில் சேதுசெல்வம், சேகர், சிஐடியூ சார்பில் மதி, ஐஎன்டியூசி சார்பில் குமார், முத்துராமன், எல்பிஎப் சார்பில் அண்ணா அடைக்கலம், முரளி, புதுவை மாநில ஆட்டோக்கள் சங்கத்தின் நிர்வாகி மணி வண்ணன், சங்கர், உதிரிப் பாகங்கள் விற்பனையாளர் சங்கத்தின் சார்பில் வெங்கடேசன், மகாலிங்கம், ஒர்க்சாப் சங்கத்தின் சார்பில் கணபதி, செழியன், சுற்றுலா வாகனங்கள் சார்பில் தமிழ்மணி, நூர் முகம்மது, ஓட்டுநர் பயிற்சிப் பள்ளிகள் சங்கத்தின் சார்பில் ராஜூ, பேருந்துகள் சங்கத்தின் சார்பில் மரிகிரிஸ்டோபர், மினி லாரி, மினி லோடு கேரியர் வாகனங்கள் சார்பில் செந்தில் முருகன், மாரிமுத்து ஆகியோர் கலந்து கொண்டனர்.