முதல்வருக்கு நன்றி தெரிவித்த செவிலியர்கள்

அரசு மருத்துவமனைகளில் பணியாற்றி வரும் செவிலியர்களுக்கு பதவி உயர்வு வழங்கியதற்காக முதல்வர் நாராயணசாமியை ஞாயிற்றுக்கிழமை சந்தித்து செவிலியர்கள் சங்கத்தினர் நன்றி தெரிவித்தனர்.
 புதுச்சேரி செவிலியர்களின் நீண்ட கால கோரிக்கையை ஏற்று, அவர்களின் பணிக்கட்டமைப்பை செவிலியர் அதிகாரி, முதுநிலை செவிலியர் அதிகாரி, உதவி செவிலியர் கண்காணிப்பாளர், துணை செவிலியர் கண்காணிப்பாளர் என மாற்றி அமைத்து ஆகஸ்ட் 3-ஆம் தேதி அரசாணை பிறப்பிக்கப்பட்டது. இதற்கு நன்றி தெரிவிக்கும் விதமாக செவிலியர்கள் சங்கத்தினர் புதுவை சட்டப்பேரவை வளாகத்தில் முதல்வர் நாராயணசாமியை சந்தித்து நன்றி தெரிவித்தனர்.