அஞ்சல் ஊழியர்கள் ஆர்ப்பாட்டம்

பத்து அம்சக் கோரிக்கைகளை வலியுறுத்தி, அனைத்திந்திய கிராமிய அஞ்சல் ஊழியர் சங்கம், தேசிய கிராமிய அஞ்சல் ஊழியர் சங்கம் சார்பில் புதுச்சேரி தலைமை தபால் நிலையம் அருகே செவ்வாய்க்கிழமை ஆர்ப்பாட்டம் நடைபெற்றது.
நிர்வாகிகள் ஏழமலை, பூபாலன் ஆகியோர் தலைமை வகித்தனர். ராஜகோபால், இளங்கோ உள்ளிட்ட பலர் பங்கேற்றனர். இதில், ஏழாவது ஊதியக்குழு பரிந்துரைகளை அமல்படுத்த வேண்டும், பணிக்கொடை உச்சவரம்பு ரூ. ஒரு லட்சத்திலிருந்து ரூ. 5 லட்சமாக மாற்ற வேண்டும் என்பன உள்ளிட்ட 10 அம்சக் கோரிக்கைகளை வலியுறுத்தி முழக்கங்கள் எழுப்பப்பட்டன.