ஆதிதிராவிடா் கல்வி உதவித்தொகைக்கு விண்ணப்பிக்க கால அவகாசம்

ஆதிதிராவிடா் கல்வி உதவித்தொகைக்கு விண்ணப்பிக்க கால அவகாசம் நீட்டிக்கப்பட்டுள்ளது.

இதுகுறித்து புதுவை அரசின் ஆதிதிராவிடா் மற்றும் பழங்குடியினா் நலத்துறை அலுவலா் எஸ்.யஷ்வந்தய்யா வெளியிட்ட செய்திக் குறிப்பு: ஆதிதிராவிடா் நலம் மற்றும் பழங்குடியினா் நலத்துறை மூலம் செயல்படுத்தப்பட்டு வரும் கல்வி உதவித்தொகை திட்டங்களுக்கு  இணையதளம் மூலம் விண்ணப்பிப்பதற்கான இறுதி நாள் 2021-ஆம் ஆண்டு ஜனவரி 31-ஆம் தேதி வரை நீட்டிக்கப்பட்டுள்ளது.

நிகழாண்டு கல்வி உதவித்தொகை வேண்டி 2021-2022-ஆம் ஆண்டில் விண்ணப்பிக்க இயலாது. எனவே, தகுதியுள்ள மாணவா்கள் நிா்ணயிக்கப்பட்ட இறுதி நாளுக்கு முன்னதாக விண்ணப்பித்து, உதவித்தொகையைப் பெற்றுக் கொள்ளலாம். காலதாமதமாக விண்ணப்பித்தால் ஏற்கப்பட மாட்டாது என அதில் தெரிவிக்கப்பட்டுள்ளது.