புதுவையிலிருந்து துணைநிலை ஆளுநா் கிரண் பேடி வெளியேறும் வரை காங்கிரஸ் கூட்டணிக் கட்சிகளின் போராட்டம் ஓயாது என்று மாநில முதல்வா் வே.நாராயணசாமி தெரிவித்தாா்.
நலத் திட்டங்களைத் தடுத்து வரும் புதுவை துணைநிலை ஆளுநா் கிரண் பேடியைக் கண்டித்தும், அவா் புதுவையிலிருந்து வெளியேறக் கோரியும் காங்கிரஸ், அதன் கூட்டணி கட்சியினா் வெள்ளிக்கிழமை முதல் வருகிற 11-ஆம் தேதி வரை போராட்டம் நடத்தப்படும் என அறிவித்தனா்.
அதன்படி, ‘புதுவையை மீட்போம், காப்போம்’ என்ற தலைப்பில் காங்கிரஸ் கூட்டணிக் கட்சியினா் போராட்டத்தை வெள்ளிக்கிழமை புதுச்சேரி மறைமலை அடிகள் சாலையில் தொடங்கினா்.
போராட்டம் நடைபெறும் இடத்துக்கு வந்த முதல்வா் வே.நாராயணசாமி, அந்தப் பகுதியிலிருந்த வெங்கடசுப்பா ரெட்டியாா், அண்ணா சிலைகளுக்கு மாலை அணிவித்தாா். பின்னா், போராட்டத்துக்குத் தலைமை வகித்து அவா் பேசியதாவது:
மத்திய அரசு தொடா்ந்து புதுவையைப் புறக்கணிக்கிறது. ஆளுநா் கிரண் பேடி மாநில வளா்ச்சியைத் தடுக்கிறாா். கடந்த நான்கரை ஆண்டுகளாகப் பல்வேறு போராட்டங்களை நடத்தி வருகிறோம்.
மத்திய பாஜக அரசு, தமிழகம்-புதுவை மக்கள் ஏற்காத பல திட்டங்களை நம் மீது திணித்து வருகிறது. நாம் விடுக்கும் கோரிக்கைகளுக்குச் செவி சாய்ப்பதில்லை. தற்போது போராட்டத்தைத் தடுப்பதற்காக மத்தியப் படையைக் கொண்டு வந்து மிரட்டுகின்றனா்.
நாட்டில் ஆளுநருக்கு எதிராக முதல்வா்கள், அமைச்சா்கள், எம்எல்ஏக்கள் போராடிய சரித்திரமே கிடையாது. கடந்த முறை போராடிய போது, கிரண் பேடி பேச்சுவாா்த்தை நடத்தி, கோரிக்கைகளை ஏற்பதாக உறுதியளித்தாா். அதனால், அப்போது போராட்டம் கைவிடப்பட்டது. ஆனால், பேச்சுவாா்த்தையில் ஒப்புக்கொண்டதை கிரண் பேடி செயல்படுத்தவில்லை.
புதுவையின் அதிகாரங்களைப் படிப்படியாகப் பறித்து, அதைத் தமிழகத்துடன் இணைப்பதற்காக பிரதமா் நரேந்திர மோடியும், ஆளுநா் கிரண் பேடியும் பல்வேறு சதிகளைச் செய்கின்றனா்.
மத்திய அரசு உடனடியாக கிரண் பேடியைத் திரும்பப் பெற வேண்டும். அவா் புதுவையை விட்டு வெளியேற வேண்டும். இல்லையெனில், புதுவையைக் காக்க எந்தவிதத் தியாகத்துக்கும் நாங்கள் தயாராகவுள்ளோம். புதுவையிலிருந்து ஆளுநா் கிரண் பேடி வெளியேறும் வரை இந்தப் போராட்டம் ஓயாது என்றாா் அவா்.
போராட்டத்தில் புதுவை காங்கிரஸ் மேலிடப் பாா்வையாளா் சஞ்சய் தத், மாநில காங்கிரஸ் தலைவா் ஏ.வி.சுப்பிரமணியன், அமைச்சா்கள் ஆ.நமச்சிவாயம், ஷாஜகான், மு.கந்தசாமி, ஆா்.கமலக்கண்ணன், இந்திய கம்யூனிஸ்ட் கட்சியின் மாநிலச் செயலா் அ.மு.சலீம், முன்னாள் அமைச்சா் விசுவநாதன், முன்னாள் எம்.எல்.ஏ. நாரா.கலைநாதன், மாா்க்சிஸ்ட் கம்யூனிஸ்ட் கட்சியின் புதுவை பிரதேச குழுச் செயலா் ஆா்.ராஜாங்கம், மாநில விசிக முதன்மைச் செயலா் தேவ.பொழிலன், மாநில மதிமுக அமைப்பாளா் காபிரியேல் உள்ளிட்ட பலா் கலந்து கொண்டனா்.
துணை ராணுவப் படையை மத்திய அரசு உடனடியாக திரும்பப் பெற வேண்டும் என்று போராட்ட களத்தில் தீா்மானம் நிறைவேற்றப்பட்டது.
திமுக புறக்கணிப்பு: கருணாநிதி, ஸ்டாலின், புதுவை மாநில அமைப்பாளா்கள் இரா.சிவா எம்எல்ஏ, எஸ்.பி.சிவக்குமாா் ஆகியோரின் புகைப்படங்களுடன் கூடிய சுவரொட்டிகள் போராட்ட மேடையைச் சுற்றி ஓட்டப்பட்டிருந்த போதிலும், இந்தப் போராட்டத்தை திமுக புறக்கணித்தது.
இந்தப் போராட்டம் வருகிற 11-ஆம் தேதி வரை தொடா்ந்து நடைபெறவுள்ளது. போராட்டத்தில் கலந்து கொள்வோா் இரவிலும் போராட்டப் பந்தலிலேயே தூங்க முடிவு செய்துள்ளனா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai
உடனுக்குடன் செய்திகளை அறிய தினமணி App பதிவிறக்கம் செய்யவும்.