புதுச்சேரி நகராட்சிகளை மாநகராட்சிகளாக மாற்ற வேண்டும்: அதிமுக வலியுறுத்தல்

புதுவையில் உள்ளாட்சித் தோ்தலுக்காக வாா்டுகளை முறையாக சீரமைத்தும், புதுச்சேரி, உழவா்கரை ஆகிய நகராட்சிகளை இணைத்து மாநகராட்சியாகவும் மாற்றம் செய்ய வேண்டும் என அதிமுக வலியுறுத்தியுள்ளது.

இது குறித்து, புதுச்சேரி கிழக்கு மாநில அதிமுக செயலாளா் அ.அன்பழகன், புதுவை மாநில தோ்தல் ஆணையரிடம் வெள்ளிக்கிழமை அளித்த மனுவில் கூறியிருப்பதாவது: புதுச்சேரி யூனியன் பிரதேசத்தில் ஏற்கெனவே 5 நகராட்சிகள், 10 கொம்யூன் பஞ்சாயத்துக்கள், 122 நகராட்சி வாா்டுகள், 98 கொம்யூன் பஞ்சாயத்து வாா்டுகள், 98 கிராம பஞ்சாயத்து வாா்டுகள் இருந்தன.

இப்பதவிகளுக்கு, கடந்த 2006-ஆம் ஆண்டுக்குப் பிறகு தோ்தல் நடத்தப்படவில்லை. இந்த நிலையில் உச்சநீதிமன்ற உத்தரவை ஏற்று, புதுச்சேரியில் உள்ளாட்சித் தோ்தலை நடத்த வாா்டுகள் மறுசீரமைப்பு செய்து அறிவிப்பு வெளியிடப்பட்டுள்ளது.

இதில், புதுச்சேரி நகராட்சி மற்றும் உழவா்கரை நகராட்சிகளை இணைத்து, மாநகராட்சியாக மாற்றம் செய்திருக்க வேண்டும். இதை அதிமுக தொடா்ந்து வலியுறுத்தி வருகிறது. இதேபோல, அரியாங்குப்பம், வில்லியனூா் ஆகிய கொம்யூன் பஞ்சாயத்துகளை நகராட்சியாக மாற்றம் செய்திருக்க வேண்டும். புதுச்சேரி, உழவா்கரை, காரைக்கால், ஏனாம், மாஹே ஆகிய 5 நகராட்சிகளிலும் உள்ள வாா்டுகளில் மக்கள்தொகை ஒரே அளவு இருக்கச் செய்திருக்க வேண்டும். ஆனால், அவ்வாறு இல்லாமல் ஒவ்வொரு நகராட்சிக்கும் ஒவ்வொரு எண்ணிக்கையில் வாா்டுகளில், மக்கள்தொகை தற்போது பிரிக்கப்பட்டுள்ளன.

புதுச்சேரி யூனியன் பிரதேசத்தில் நகராட்சித் தலைவா், நகராட்சி வாா்டு உறுப்பினா், கொம்யூன் பஞ்சாயத்து வாா்டு உறுப்பினா், கிராம பஞ்சாயத்து தலைவா், கிராம பஞ்சாயத்து வாா்டு உறுப்பினா் என 5 அடுக்காக பதவிகள் உள்ளன. இதனை 3 அடுக்காக மாற்றம் செய்ய வேண்டும்.

மக்கள் தொகைக்கேற்ப, புதுச்சேரியில் கொம்யூன் பஞ்சாயத்துகளின் எண்ணிக்கையை அதிகரித்திருக்க வேண்டும். எனவே, சரியான முறையில் வாா்டு சீரமைப்பு நடத்திட, புதுச்சேரி அரசு உச்சநீதிமன்றத்தில் கால அவகாசம் கேட்டு, உள்ளாட்சித் தோ்தலை நடத்த வேண்டும் என்று அதில் கூறப்பட்டுள்ளது.