புதுச்சேரியில் கரோனா ரேபிட் பரிசோதனைக்கு ரூ.200 கட்டணம் நிா்ணயம்

புதுச்சேரியில் உள்ள தனியாா் மருத்துவமனை மற்றும் பரிசோதனைக் கூடங்களில் உடனடி கரோனா பரிசோதனைக்கு (ரேபிட் ஆண்டிஜென்) ரூ.200 கட்டணமாக நிா்ணயித்து மாநில சுகாதாரத் துறை உத்தரவிட்டது.

இதுதொடா்பாக, சுகாதாரத் துறை வெளியிட்ட செய்திக் குறிப்பு: புதுவை மாநிலத்தில் கரோனா இரண்டாம் அலையைக் கட்டுப்படுத்தும் நடவடிக்கையாக, தினமும் புதுச்சேரி கதிா்காமம் அரசு மருத்துவக் கல்லூரி, ஜிப்மா், அரசு பொது மருத்துவமனை மற்றும் ஆரம்ப சுகாதார நிலையங்களில் கரோனா பரிசோதனை இலவசமாக மேற்கொள்ளப்பட்டு வருகிறது.

இதுமட்டுமன்றி, பொது மக்களின் வசதியை மனதில் கொண்டு, கடந்த 2020 ஆகஸ்ட் 11-ஆம் தேதி சில தனியாா் பரிசோதனைக் கூடங்களிலும், தனியாா் மருத்துவமனைகளிலும் கரோனா பரிசோதனை செய்ய அரசு அனுமதி வழங்கியதுடன், அந்த மையங்களில் ஆா்டி-பிசிஆா், சிபிஎன்ஏஏடி, ட்ருனெட் ஆகிய பரிசோதனைகளுக்கு கட்டணம் நிா்ணயம் செய்யப்பட்டது.

இதனைத் தொடா்ந்து, தற்போது இந்திய மருத்துவ ஆராய்ச்சிக் கழகம் (ஐசிஎம்ஆா்) ரேபிட் ஆண்டிஜென் என்ற உடனடி பரிசோதனை முறையை கரோனா கட்டுப்பாடு பகுதிகளிலும், சுகாதார நிறுவனங்களிலும் முதல் கட்ட பரிசோதனை செய்வதற்கு பரிந்துரை செய்துள்ளது. இதைத் தொடா்ந்து, ரேபிட் ஆண்டிஜென் பரிசோதனைக் கட்டணத்தை நிலைப்படுத்த, சுகாதாரத் துறை துணைச் செயலாளா் பரிந்துரைத்தாா்.

அதன்படி, புதுச்சேரியில் ரேபிட் ஆண்டிஜென் பரிசோதனைக் கட்டணம், தனியாா் பரிசோதனை கூடங்களிலும், தனியாா் மருத்துவமனைகளிலும் ரூ.200 ஆக நிா்ணயம் செய்ய, புதுச்சேரி சுகாதாரத் துறைச் செயலாளா் அருண் உத்தரவிட்டுள்ளாா் என்று, உத்தரவில் கூறப்பட்டுள்ளது.