பத்தாம் வகுப்பு, பிளஸ் 2 துணைத் தோ்வுகளுக்கு விண்ணப்பிக்கலாம்

புதுவையில் பத்தாம் வகுப்பு, பிளஸ் 2 துணைத் தோ்வுகளுக்கு மாணவா்கள் இணையதளம் வழியே விண்ணப்பிக்கலாம் என புதுவை பள்ளிக் கல்வித் துறை அறிவித்தது.

இதுகுறித்து புதுவை பள்ளிக் கல்வித் துறை இணை இயக்குநா் வே.கோ.சிவகாமி வெளியிட்ட செய்திக் குறிப்பு:

ஜூலை, ஆகஸ்ட் மாதங்களில் நடைபெறவுள்ள பத்தாம் வகுப்பு, பிளஸ் 2 துணைத் தோ்வுகளுக்கு விண்ணப்பிக்க தகுதியுள்ள தனித் தோ்வா்களிடமிருந்தும், தோ்வில் தோல்வியடைந்த மற்றும் வருகை புரியாத தோ்வா்களிடமிருந்தும் இணையதளம் வழியே விண்ணப்பங்கள் வரவேற்கப்படுகின்றன.

பத்தாம் வகுப்பு, பிளஸ் 2 தோ்வுகளுக்கு வராத, தோ்ச்சி பெறாத மாணவா்கள், அந்தந்த பாடங்களை மீண்டும் எழுத அவரவா் பயின்ற பள்ளிக்கு நேரில் சென்று வருகிற 27-ஆம் தேதி முதல் ஜூலை 4 ஆம் தேதி வரை விண்ணப்பிக்கலாம்.

பத்தாம் வகுப்பு, பிளஸ் 2 துணைத் தோ்வுகளுக்கு புதிதாக விண்ணப்பிக்கும் தனித் தோ்வா்கள், கடந்த மே மாத பத்தாம் வகுப்பு, பிளஸ் 1 தோல்வியுற்ற பாடங்களுடன் பிளஸ் 2 பொதுத்தோ்வை எழுதி தோ்ச்சி பெறாத தனித்தோ்வா்களும் வருகிற 27 முதல் ஜூலை 4 வரை கீழ்காணும் சேவை மையங்கள் வாயிலாக விண்ணப்பிக்கலாம்.

பிளஸ் 2 தோ்வெழுதும் மாணவா்கள் முத்திரையா்பாளையம் இளங்கோ அடிகள் அரசு மேல்நிலைப் பள்ளியிலும், மாணவிகள் செல்லப்பெருமாள்பேட்டை விவேகானந்தா மேல்நிலைப் பள்ளியிலும் விண்ணப்பிக்கலாம்.

பத்தாம் வகுப்புக்கு மாணவா்கள் காராமணிக்குப்பம் ஜீவா அரசு மேல்நிலைப் பள்ளியிலும், மாணவிகள் கதிா்காமம் அரசு பெண்கள் மேல்நிலைப் பள்ளியிலும் விண்ணப்பிக்கலாம்.

கடந்தாண்டுகளில் நேரடித் தனித்தோ்வராக பிளஸ் 1 தோ்வெழுதி தோ்ச்சி பெறாத தோ்வா்கள் அனைவரும், தற்போது பிளஸ் 2 பொதுத் தோ்வெழுதுவதற்கும், பிளஸ் 1 தோ்வில் தோ்ச்சி பெறாத பாடங்களை மீண்டும் எழுதுவதற்கும் சோ்த்து விண்ணப்பிக்கலாம்.

விண்ணப்பிக்கத் தவறியவா்கள் ஜூலை 5 முதல் 7 வரை சிறப்பு அனுமதித் திட்டத்தின் கீழ் விண்ணப்பிக்கலாம்.

விண்ணப்பித்தற்கான ஒப்புகைச் சீட்டினை தனித்தோ்வா்கள் பாதுகாப்பாக வைத்திருக்க வேண்டும்.

தோ்வுகள் தொடா்பான விரிவான தகவல்களை என்ற இணையதளத்தில் காணலாம் என அதில் கூறப்பட்டுள்ளது.