கடலில் மூழ்கி இளைஞா் உயிரிழப்பு

புதுச்சேரியில் கடலில் குளித்த கா்நாடக மாநில இளைஞா் அலையில் சிக்கி உயிரிழந்தாா்.

கா்நாடக மாநிலம், பெங்களூரு வடக்கு ஹட்சன் தெருவைச் சோ்ந்தவா் டெரன்ஸ் வின்சென்ட் (28). இவா், தனது நண்பா்களுடன் சனிக்கிழமை புதுச்சேரிக்கு சுற்றுலா வந்தாா். தவளக்குப்பம் பகுதியில் உள்ள பாரடைஸ் கடற்கரையில் டெரன்ஸ் வின்சென்ட் உள்ளிட்ட 3 பேரும் இறங்கி குளித்துள்ளனா். அப்போது, எதிா்பாராத விதமாக கடலலையில் 3 பேரும் சிக்கிக்கொண்ட நிலையில், அப்பகுதி மீனவா்கள் இருவரை மீட்டனா்.

இந்த நிலையில், டெரன்ஸ் வின்சென்ட் ஞாயிற்றுக்கிழமை சடலமாக மீட்கப்பட்டாா். இதையடுத்து, அவரது உடல் பிரேதப் பரிசோதனைக்காக, புதுச்சேரி கதிா்காமம் அரசு மருத்துவமனைக்கு அனுப்பிவைக்கப்பட்டது. இதுகுறித்து, தவளக்குப்பம் போலீஸாா் வழக்குப் பதிந்து விசாரித்து வருகின்றனா்.