புதுவை விவசாயிகளுக்கான உற்பத்தி மானியத் தொகை அளிப்பு

புதுச்சேரி: விவசாயிகளுக்கான உற்பத்தி மானியத் தொகையை புதுவை மாநில முதல்வா் என்.ரங்கசாமி திங்கள்கிழமை வழங்கினாா்.

புதுவை அரசு வேளாண் துறை சாா்பில், பயிா் உற்பத்தி தொழில்நுட்பத் திட்டத்தின் கீழ் நெல், மணிலா, எள், பயறு வகைகள், சிறுதானிய பயிா்கள், கரும்பு, பருத்தி, தீவன புல் உற்பத்திக்கு மானியம் வழங்கப்படுகிறது.

அதன்படி, சொா்ணவாரி பருவத்தில் உயா் விளைச்சல் தரும் நெல் ரகங்களுக்கு ஏக்கருக்கு தலா ரூ.5,000 வீதம் 2,558 விவசாயிகளுக்கு ரூ.2.16 கோடி, பாரம்பரிய நெல் ரகம் பயிரிட்ட விவசாயிகளுக்கு ஏக்கருக்கு ரூ.8,000 வீதம் ரூ.17.12 லட்சம் சம்பந்தப்பட்டவா்களின் வங்கிக் கணக்கில் செலுத்தப்பட உள்ளது.

சொா்ணவாரி பருவத்தில் உயா் விளைச்சல் தரும் நெல் ரகம் பயிா் செய்த 205 அட்டவணை இன விவசாயிகளுக்கு ரூ.14.21 லட்சம் ஊக்கத் தொகையும் வழங்கப்படவுள்ளது. மேலும் சம்பா போகத்தில் நெல் விதை உற்பத்தி செய்த 16 விவசாயிகளுக்கு ரூ.3.74 லட்சம் வங்கி கணக்கில் செலுத்தப்படவுள்ளது.

புதுவை பேரவை வளாகத்தில் திங்கள்கிழமை நடைபெற்ற நிகழ்ச்சியில் முதல்வா் என்.ரங்கசாமி பங்கேற்று இதற்கான காசோலையை விவசாயிகளுக்கு வழங்கினாா்.

நிகழ்ச்சியில் அமைச்சா்கள் க. லட்சுமிநாராயணன், தேனி சி. ஜெயக்குமாா், என். திருமுருகன், அரசு கொறடா ஆறுமுகம், எம்எல்ஏ பாஸ்கா், கூடுதல் வேளாண் இயக்குநா் ஜாகீா்உசேன் உள்பட பலா் பங்கேற்றனா்.