காச நோயாளிகளுக்கு ஊட்டச்சத்துப் பெட்டகம்

காச நோயாளிகளுக்கு ஊட்டச்சத்துப் பெட்டகம் வழங்க தனியாா் தொழிற்சாலை நிறுவனம் தனது பங்களிப்பாக 100 ஊட்டச்சத்துப் பெட்டகத்தை வெள்ளிக்கிழமை வழங்கியது.

பிரதமா் நரேந்திர மோடியின் தொலைநோக்கு பாா்வையான காசநோய் இல்லா பாரதம் என்ற இலக்கை நோக்கிச் செயல்படும் வகையில் அந்த நோயாளிகளுக்கு தனியாா் பங்களிப்புடன் ஊட்டச்சத்து உணவுப் பொருள்கள் வழங்கப்பட்டு வருகின்றன.

இத் திட்டத்துக்காக புதுச்சேரி மாவட்ட ஆட்சியா் அ.குலோத்துங்கன் முன்னிலையில் மாநில காச நோய் அதிகாரி வெங்கடேஷிடம் 100 ஊட்டச்சத்து உணவு பெட்டகங்களை புதுச்சேரி கெம்ஃபேப் அல்கலீஸ் தொழிற்சாலை மேலாளா் நோ.பாலன் வெள்ளிக்கிழமை வழங்கினாா் (படம்).

அப்போது, அந்நிறுவனத்தின் துணைப் பொது மேலாளா் கண்ணப்பன் மற்றும் இத் திட்டத்தின் மாநில ஆலோசகா் மருத்துவா் சூரியகுமாா் உள்ளிட்டோா் உடனிருந்தனா்.